Buainak a chuahpi tu Min Aung Hlaing ruangah UN hruaitu a si mi zong rian thatein an tuan ti kho bak ti lo hi. UN Human Rights Chief Michelle Bachelet nih international community pawl nih Myanmar Junta pawl nih mipi an thah ning kong le mipi cungah thil an tuah ning tih nung tuk caah le Human right an buar tuk caah, Min Aung Hlaing cozah cu fakpi in dantatnak pek ding tiah a chim lio ah China UN Ambassador nih
dantatnak kan tuah hlan ah Kawlram chungah Zeibantuk Politics thil a tel ti mi hi Kawlram kongah kan
thei hmasa a her tiin UN Human Right Chief Michelle Bachelet bia chim mi cu a leh i, Min Aung Hlaing
lei kap a dirkam. china UN Ambassador nih zeitluk in dah Min Aung Hlaing cozah a dirkam ti a fiang ngai, MUN Human Rights Chief Michelle Bachelet nih a chim than ning ahcun, Myanmar Military Coup zong, US nih fakpi in a tlerh i hro zong ah zeihman thil a thleng mi a um hlei lo tiin a chim. China UN Ambassador Zhang Chun nih a chim than mi cu, UNSC Close door meeting ah ASEAN
members pawl nih Myanmar buainak tawrel ding in heh tiah lam an kawl cuamah lio mi cu China zong
nih tha kan ti tiin a chim. Zhang nih MAH cozah a vun dirpi than i, UN Member ram pawl nih Myanmar
history background le Junta pawl kalning an thei hmasa a hau tiin a chim. Atu hi, mi tampi nih cun thil sining nan theithiam kho lo men, Ralkap cungah action kan tuah ahcun kawlram chungah Civil war le i dohnak fakpi a chuak ko lai tiin a chim. China hi UNSC ah permanent member a si ve tikah, Kawlram uico Ralkap pawl lawngte a dirkam i,
UNSC kaltlangin zeihman thil tha Kawlram nih kan hmuh lai lo ti a fiang ko. Cucah kawlram mipi hi lungkhat in
rian kan tuan ti i, Min Aung Hlaing hi kan mah bak in kan tei awk a si ti fiang cik cek in kan thei a herh. Cred-RTK
Laitlang thawngpang….A ra lai mi February 20 hi a voi 74 nak ‘Chin Miphun Ni’ a si lai i, Chin Ramkulh chung khuapi dihlak ah ralhrang nih a lawmhnak puai tuah an i tim, tiah theih a si. Chin miphun ni lawmhnak tuah ding in pengkip ah a tawlreltu chiah an si cang i, a biapi deuh mi poh sawm ding le a herh mi pawl zong timhtuah cia ding in a luancia January 27 lio ah
Chin Ramkulh chung ralhrang cozah rianṭuantu meeting tuahnak an ngeih kong, ralhrang Minister Ngun San Aung nih a chim.
“Chin Miphun Ni cu ramkip um Chin mi dihlak nih kan sunsak mi ni a si. Atu cu ralhrang nih hramhram
in uknak an laak cang. Thantlang khua inn dihlak deng cu mei in an khangh fawn. Cu an tuahsenak i theihter lo in um i, anmah tuah mi Chin Miphun ni ah Laithil vun i hruk in kal ding cu a si kho lo,” tiah Chin mi pa pakhat nih cun a chim. Mindat khua ah ralhrang nih tuah mi Chin Miphun ni ah mipi i tel ve lo ding in le aa tel mi pohpoh cu kan raal nan si lai, tiah Mindat peng zatlang uktu phu nih January 27 lio ah cathanh an rak chuah.
Kawlram thawngpang dang….Mon ramkulh mizapi vengtu ralkap phu fonh MSRU nih lamhlat kahnak
Mortar an ser mi, hriamnam phunkhat in January 28 zan Sml 6:30 hrawng ah Yee(ရေး) peng Khah-Mah-
Yiah 586 Battalion cu voihnih kan kah hna, tiah cathanh an chuah. January 28 ni zaan Sml 10:00 hrawng ah Yangon, Dawei lampi ah a ra mi Khah-Lah-Yiah 343 Battalion in ralveng ding i aa chawkmi ralhrang motor pakhat cu MSRU le Ye Special Task Force (YSTF) a fonh mi phu hna nih bomb puah in an doh hna i kaphnih kahdohnak chuak, tiah an chim.
Ralhrang lei in a thi mi le hliamfak a tuarmi an tam lai tiah ruah a si. MSRU le YSTF aa fonh mi phu hna
cu hliam tuar um lo tein hnu kan tolh kho, tiah cathanh an chuah. Zaan Sml 10:00 hrawngah ralhrang Khah-Lah-Yiah 343 Battalion nih hriamngan in an duhnak poh cu an kah nain mizapi vengtu ralkap pakhat hmanh an hliamh lo, tiah MSRU in ṭuanvo ngeitu pakhat sin in theih a si. Than Lwin Times