Mai Esther Chin nih Paletwa ralzam pawl cu tangka tampi in a vun bawmh hna; Pathian thluachua chinchin ko seh

A sunglawi tak tak, tutan Paletwa bawmhnak ah ramdang ah um mi pa min theih mi an um lo, Nu lawngte an si ko, Nu hna hi mah bantuk bawmhnak lei ah cun pa pawl zaah zohchunawktlak hrim an si. Mai Esther Chin nih Paletwa ralzam pawl caah 375,300 MMK a bawmh hna

Arakan Army le Myanmar ralkap i dohnak ruangah kan chin miphun pawl cu ralzam tampi an um i mi tampi cu ei ding ngei lo in an um. mah bantuk pawl zawnruatnak he tangka tampi in a bawmhtu hna hi ram a dawt tak tak tuk cu an si ko. Mai Esther Chin hi falam peng, Lungtar khua ih pa far kam le Nu Con Din tanu a si.

Covid-19 Pandemic nih vawlei cungah “generosity/ zawnruahnak” a hrinmi ko khi a lo pah. A ram in a rammi caah bawmhnak an tuah. A chung in, a khua in, pumpak in pakhat le pakhat cungah zawnruahnak/generosity langhter cio a si. Canada nih a rammi chungin a harmi thla khat ah thong 2 in thla 4 chung a bamwh hna. USA nih a rammi dihlak minun gpakhat ah 1200 le ngakchia 500 tiah a bawmh hna. Europe, Asia le Australia tbk lei zong nih an bawmh cio hna. Kawlram tiang nih a rammi thla khat meiman free a bawmh ve hna.

Zawtnak/Pandemic hi kum 100 dan ah voi khat a chuak e an ti. Zeiruang ahdah a si hnga? Spanish Flu kha 1918 ah a chuak i Corona Virus hi kum 100 anniversary bak ah a chuak. Spanish Flu ahkhan 20 million nak tam an thi. Spanish Flu tuanbia an chim ahhin “chungkhar pakhat nih zing nichuah hlan ah mithi kan ngei e tiah an von thanh i, zanlei nitlak hlan ah an chung tein an rak thi viar manh e’ tiah an chim. Zei paoh siseh, Covid-19 Pandemic cu Spanish Flu bantuk kan phan lai lo. Minung fimnak le rumnak a tthang manh tuk cang caah zeitindah iveng ning timi kan hngalh caah tampi kan him ko lai.

Ram ttha ah a ummi cu kan Cozah ruangah kan hna a ngam. Lairam khaute lei a ummi cu traveler/Virus chuahpitu an tlawm caah an hna a ngam ve. Asinain ram 2nk ah a ummi/Stateless dirhmun in khuasa, ChinRefugee caahcun lung re a thei ko. Bawmtu an ngei lo. Zohkhentu an ngeilo. Hnemtu an ngei ve lo. Cucaah, midang cungah zawnruahnak a ngeimi Bu le pumpak nih dirhkamh ve an hau. Cucaah, Canada lei in Fundraising kan tuahmi le USA lei in an tuahmi pakhat khat ahhin itel khawh cio izuam tthan hna usih. Khuaruahhar vansang in a ummi chungkhar pakhat zanriah na hrawm hna a si ko.

“GofundMe’ hi a him maw? A tuah zia ka thiam lo e” a timi tete nan um. GoFundMe in fundraising an tuahmi ah donation ka pek pah lengmang ve ttheu i, a him ngai in ka ruah ko. Tih ding ahcun ka ruat lo. Cun, donation nan pek tikah website sertu nih anmah “Tip” an halmi a um. 10%15% le other timi a um lai i, nan duh ahcun “other” thim ulaw ulaw $ 1 tbk kha ttheh piak ve ko u! Canada lei tuahmi Fundraising hi April 11 ah kan khar cang lai.

Be the first to comment on "Mai Esther Chin nih Paletwa ralzam pawl cu tangka tampi in a vun bawmh hna; Pathian thluachua chinchin ko seh"

Leave a comment

Your email address will not be published.