Mandalay mino leader Tayza San nih MAH pawl sin ah theiternak a tuah cang

Pasal bak si, Dr. Tayza San nih kawl ralkap uico pawl an tih lo ning a chim cang. Nihin thawngpang chia ngai mi kan thei, Monyua ah lamzawhtu leader Ko Wai Moe Naing cu lamzawh ding in a hawi le he an chuak, lam ah an kal lio ah kawl ralkap nih mitor in an pah, cun an tlaih, heh tiah an vel. Atu hi thawnginn ah chia a si. A dirhmun a tha lo ngai tiah thei a si. Atu hi a dirhmun atha lo ngai tiah thei a si. Damtein a chuak than lai maw ti thei a si lo

Mah thawngapng a thei mi poah cu an lung a fak ngai. Amah hi mino kum 30 hrawng a si lio mi a si. Mipi lamzawhtu pawl caah a biapi tuk mi pakhat a si caah lamzawhtu mipi nih an her ngai mi pakhat a si hlei ah lamzawtu pawl leader a si peng mi a si.

MonYua leader Ko Wai Moe Naing an tlaih tiah Mandalay lamzawhtu hruaitu Dr.Tayza San nih a thei bak in mah ti hin thawngthanhnak a tuah cawlh

Kan pasal, paraltha Ko Wai Moe Naing cu misual phu nih an tlaih. An dawih, Uico ralkap nih hram hram in an tlaih. Kan dihlak in upat nak kan i pek hna. Na rian tuan ning a sunglawi ngai, upat tlat minung na si. Mipi caah a dirmi na si.

Atu kan dirhmun le hmailei ah a rah ding mi zongah, kan ram le miphun caah Dhammna na si peng lai. Ko Wai Moe Naing, mipi hi kan um sawh sawh lai lo, lamzawhnak kan tuah peng lai. Mah hi misual ralkap phu sin ah theiternak ka tuah duh mi cu asi. Mipi lakha ram le miphun caah zeibantuk harnak a tawn ngam mi kan tam tuk.

Mah hi nan thei ding in nan sin ah ka chim duh, ruahpi cu a sur chin thluamah lai, Ruahpi tlaih nan i tim poah le  a sur mi a tam chin lengmang lai ti kha ral philh hla u tiin ralkap uico pawl hna ralrinnak a pek. Credit-Generatian Z

Chap.. Interim Chin National Consultative Council (ICNCC): ICNCC timi can karlak Chin Miphun Laireltu Council an dirh. Mah hi Federal Democracy ram ser nak ding ah akar khat nak kan hlan mi asi. Hmai lei kar tampi kan kal rih lai. Voi tampi i ceih khan hnu le ruah cikcek hnu ah dirhmi council asi.

Pathian nih thluachuah hram seh law, a kan ttemttawn tu ralhrang cincik kan chah khawh nak ding ah lamhruai tu si hram seh.

CNF, Chin MP pawl, CDM tuahtu pawl, Chin Civil Society pawl le International Chin Communities pawl fonh in dirh mi asi tiah theih asi. Salai Bawi Lian Mang ICNCC timi hi a fawinak in cozah thar kan ti ko lai. Zeicatiah Chinram nih amah tein aa tawlrel khawhnak dingah sermi a si. Mah nih hin Chinram le mipi kong cu tha tein tuanvo a lak lai i, a herhmi poh ah khuakhannak angei cang lai.

Hi hi tulio ralkap uknak caan karlak chungah a cawlcangtu ding, ralkap uknak a hlipphuaktu ding cu a si. Kan i lawm tuk, Bawipa nih Interim Chin National Consultative Council (ICNCC) lamhruai hram seh.

Be the first to comment on "Mandalay mino leader Tayza San nih MAH pawl sin ah theiternak a tuah cang"

Leave a comment

Your email address will not be published.


*