March ni 16 ah Zawtnak a chuaknak Wuhan in a rah mi kawl pa cu Hsipaw siizung ah chia a si cang. I ralrin bak kan herh cang

Ralrin tluk ah tha um lo, Hubei khua in a ra mi cu a ran kho chungin Hsipaw siizung ah chia a si cang. Atu lio zawtnak ruangah vawlei pi kan buai dih, mah bantuk in a kar lengmang ah cun harnak fakpi in kan tawn chin lengmang lai, cu caah ram tampi nih blockdown an tuah dih. Ralrin tein um hi a tha bik. Ni 16 March ah Hubei ah rian ttuantu pa cu kawlram a rak phan. Amah hi kum 20 mino lio te a si. 

A rak phan tein vanlawng ground ah check an tuah si, a tak a ling tuk caah a rang khawh chungin Hsipaw public Hospital ah zohkhen ding in kalpi cawl a si tiin Medical Director nih HNN sin ah a chimh. Atu hi thi test tuah a si i, result hnga lio a si tiin a chim chap. Source- ETS

Chin ram chungah kan unau pawl zaangfah an si tuk cang>>> Daw New New Oo, 39,  Tha-yet-tapin village le Daw Than Aye Kyi,53, Bu-ywet-ma-nyo village hna cu kawl ralkap meithal kuan hma ruangah zarhteni zing ah sizung ah an nunnak a liam tiah theih a si. Mah hna pahnih nih hliam hma an tuarmi hi a fak ngai ngai. Daw Than Aye Kyi hi naupoi liomi a si. Meithal kuan nih a hngawng ah a khen tiah report nih alanghter. Daw Nwe Nwe Oo hi alu ah miakpi kuan nih a khen ve. New Oo hi raldohnak a chuah in a chuangkhar he innchung kil lei teah an I thup.

Mah an ithuphnak inn cu miakpi kuan dih a den I Daw Nwe Oo cu a lu ah a khen I chungkhar member 3 zong hliamhma an tuar rih tiah report nih cun a chim chih. Rakhine State lawmaker U Tun Tha Sein nih achim ningah cun kawl ralkap thil tuah cu ramchung khuami caah himnak ding a um lo tiah a ti. Tutan ah Kawl ralkap thil tuah cu Rakhine ramchung mipi nakin Chinmi nih kan tuar deuh. Zeitindah Chinram Paletwa khuate cungah thil an tuah ti mi cu fiang tein hmuh khawh asi.

Paletwa Township, Chin State ah  khuate pali cu Kawlram ralkap nih cunglei vanlawng in a phomh ruangah khuami minung 40 renglo hliam hma an tuar I minung 21 nunnak a liam tiah  The Irrawaddy nih a chim.  Vunglei vanlawng in kahmi khua hi Meiksa Wa Village, Meiksa Wa Village, Wetma le Pyaing Tain villages hna an si. Hi raldohnak hi Feb.5 in aa thawk cangmi a si. Kawl ralkap le AA hriamtlai an ikah hi tutan bantuk hin Chinram an hnursuang bal lo. Tutan ah ikahnak a chuah cu AA le kawl ralkap nih hin Chinmi cungah zaangfahnak ngeilo bakin hriamnam an hman.

Khuate 10 in minung 2000 hrawng cu Samee ah an zam hna tiah theih a si. Minung tampi cu lam lai ah vaivuan in an um rih hna tiah U Maung San Thar nih a chim. Samee khua sizungah damlo zohkhentu sibawi an chambau ngai ngai caah hliamhma tuami hna nih harnak tampi an tong tiah report nih cun a chim chih. Kawl ralkap nih zarhteni ah khan Meik Sa khuate cu vanlawng in a kah ruangah khuami minung 12 nunnak a liam. A thaizingah Wetma khuate cu vanlawng in an kah than i khuami minung 8 an thah than hna. Cu hnu ah Pyaing Tain an kah than I khuami minung 1 a thi tiah report nih alanghter.

Meiksa Wa khuami minung 10 hna cu an hliamhma ruang ah matupi siizung ah thial an si. Minung 4 hna cu an hliamhma a fak ngai ngai caah Mindat Hospital ah thial than an si. Hliamhma a tuarmi hna hi an ke, an tanpor le an takpum hna ah an si. Mindat hospital ah kalpi mi hna minung 4 chung in 2 hna cu an zual ngai ngai caah Mandalay sizung ah thial than an si.  Meik Ma khua hliamhma a tuarmi hna zong Matupi Hospital ah kalpi dih an si tiah theih a si.

Tutan kawl ralkap biachimtu Brigadier General Zaw Min Tun nih nih raldohnak kongah Office of the Commander-in-Chief of Defense Services website ah report a pek ningah cun, AA hriamtlai nih kan umnak  Meiksa (east) le Meiksa (west) village, Paletwa cu an kulh ding cang ruangah zeidang duhthimnak a um ti lo. Cu caah kan kah mi hna a si. AA kan kah hna ruangah khuami cheukhat zong hliamhma an tuar tiah a ti. Tutan ah kawl ralkap nih hin helicopter lawng si loin raldohnak vanlawng jet an hmang chih.