Trump kongah thawngpang dang Democrat lei media an ti tawn mi, Liberal pawl nih an vun chuahpi than hoi cang. An chim ning ahcun Kum 2024 ah Trump cu President a cuh than i, President ah a tling than ahcun anupi Melanie Trump nih White House ah a zulh ti lai lo tiah Democrat pawl nih an tial mi cu
Trump nih lehnak a tuah hna i, mah bantuk an tial mi kha lih a si, lih thawngpang a si tiin Fox and Friends interview a tuahnak ah a chim.
Trump interview Fox & Friends host Brian Kilmeade sin ah Trump nih a chim ning ahcun, ka nupi hi nu fel tuk mi a si, mah le a zohkheng khawh tuk mi,
chungkhat caah nutha, a rian a tei tuk mi mipi lungthin a tei khawh tuk mi bantuk in mipi zong nih an duh, kan ram hi a rawk cuamah lio a si, rian tuan ding mi tampi ka ngei tiin interview a tuahnak ah a chim.
Trump bantuk in US ram a dawt mi hi cu an tam lai lo tiah mi tampi nih an ti, a ruang cu mah bantuk in a dik lo mi hmang in sual an phawt peng i,
mah bantuk in a kong dik lo in an tial peng bu in US a dawt ning zoh ah hin thangthat lo awk a tha lo tiin an chim cio cang. Cred-RTK
Kawlram thawngpang…Nihin December 5, Yangon ah lamzawhnak tuahmi mino hna cu motor in an pah hna, meithal in an kah hna, ralhrang phu nih hramhram in an thil tuahmi cu lehrulh kan cham lai tiah Yangon ramthen PDF nih cathanh an chuah. Yangon ramthen Gyimintai (ကြည့်မြင်တိုင်) peng Panpingyi(ပန်းပင်ကြီး) lamcung
ah nihin December 5, zinglei suimilam 8:00 hrawngah ralhrang uk duhlo in daiten lamzawhnak a tuahtu mino hna cu ralhrang phu hna nih
minung ruahnak ngeilo tiang in hramhram in motor he an pah hna, meithal in an kah hna caah lamzawhnak ah a kalmi mino cheukhat an nunnak a liam, cun cheukhat cu hliamhma an tuar.
Cu hliamhma tuar mi hna cu sii thlopbul nak nawl pek duhlo in rallam sialnak hmunah an kalpi hnatiah theih a si. Cu thil cangmi kong ah kan thinlung a faktuk tiah PDF nih an cathanh chungah cun an langhter. Hriam tlailo in daiten lamzawhnak a tuahmi mipi hna cungah minung ruahnak ngeilo tiangin
hramhram thilsual an tuah mi cungah nawlngeitu le nawlchuahtu ralhrang phu le ralhrang kuttang riantuan tu hna,
ralhrang riantuannak ah bawmhchanhnak a tuahtu hna dihlak cu fakpi in lehrulh cham nak kan tuah lai, dothlennak ding caah a tunak in fakdeuh cawlcanghnak kan tuah lai tiah Yangon ramthen PDF phu nih cathanh an chuah. #Khit Thit Media (Cred-The Chin Post)