US president Joe Biden zong a mualpho ngai cang, former president Trump kha heh tiah a rak soisel i, Covid ruangah vawlei cung ramkip lungreithei in a kan chia tu China mipi hna cu US ramchungah lut lo ding in Travel banned a rak tuah kha
Mah lio ah khan Joe Biden kha heh tiah social media ah si seh, print media ah si seh, Telecast ah a zai i, Trump cu
midang cungah thleidangnak a ngeih mi minung, US president rian tuan ding in a tlak lo, Covid ruangah mah bantuk in
US ram chungah lut a siang lo mi nih President caah a tlak lo ning fiangtein a langter tiin Trump kha a thangchiat ngai. Natein atu cu amah lilah nih Trump a rak tuah ning bantuk in Sourthern African in US ram chungah lu a ngah ti lai lo tiin Covid thar
Omicron thawngpang ruangah US ram chungah ram 13 leng cu lut lo ding in nawl a chuah hna
Trump nih Travel ban a rak tuah lio ah khan Joe Biden nih a cohlan lo ning heh tiah a chim i, US ram nih mah bantuk in thil kan tuah ding a si lo,
ramdang caah zohchun tlak in kan um ding a si, ramdang zohchun tlak in kan um ding a si, thil zei lei poah US nih kan hruai ding a si tiin Trump thil tuah ning kha a mawhchiat ngai Natein Covid thar, Omicron nih thawngpang a vun chuak than tikah,
Joe Biden nih rianrang in South Africa ram in US ram chungah lut a ngah lo tiin Ninga ni ah thawngthanghnak a tuah. Mah bantuk in Trump a rak soisel i a mawhchiattu nih
Trump a rak tuah ning bantuk in a tuah than ve tikah, Joe Biden cu heh tiah soisel a si than i,chungthu lengnal tiin heh tiah a kawng an tial cang. Cred-Foxnews
Kawlram thawngpang…..Mohnyin ah KIA le PDF i bawm in ralhraang motor bomb in an puah; ralhraang pasarih an thi. Kachin ramkulh Mohnyin peng ah Council ralhraang motor cu KIA le PDF nih November 29 zing suimilaam 6:00 hrawng ah
bomb in an puah hna i ralhraang pasarih an thi tiah KIA thawnghram in kan theih. Cu ralhraang hna cu Mohnyin in
Myitkyina lei ah private motor pahnih in an rak kai lioah a si i Latpanthar khua pawng ah bomb puah an ton hi a si tiah kan theih. Bomb puah hnawh an ton in ralhraang pawl nih hriamngan in an kah i Latpanthar khua le Nanhmah khua inn cheukhat ah a tla tiah tualchung mi sin in kan theih. Ref. Khit Thit Media