Ukraine President nupi a sum kho ti lo, a voihhninak ding caah a lungfak ning a chim than cang. Russia Ukraine Invasion ah sualnak a ngei lo mi ngakchia 130 leng an thi cang, Ukraine’s First Lady OLENA ZELENSKA nih Russia nu pawl sin ah biacahnak a ngei mi nih mi tampi lungthin kekuai in a chia hna.
Nu ka si ning bantuk in thinak kong he pehtlaih in ngakchia fakter hna hi ka duh lo bik mi a si,
ka lungthin a kekuai dih, Russia thil tuah mi ruangah chungkhar nuam ngai in a um mi hna an kuai dih,
mah lawng si lo in, khuatlang nuam tein a um mi zong kan kuai dih cang tiin a chim. Lviv ah Putin nih a thah mi ngakchia 109 pawl caah caan a hmang, A poi tuk hringhran ko! Raltuknak ruangah ka trap maw ti nan ka hal ah cun, Aw ka trap peng, fakpi in ka trap peng. Ukraine nih kan tawn mi hi Putin sual ruang
lawng si lo in, Russia ralkap pawl sin ah mah bantuk tuah ding in nawl a pe ruangah a si.
Russia ralkap hna cu kan ram ah an vun lut. Russia nu le pa hna, Nan fale pawl nih kan fale pawl an vun that ah hin zeitin dah nan um? Kan ngakchia pawl um nak sin zong ah h bomb he heh tiah an thlak. Meithal in an kah hna.
Atu i dohnak a dih khawnak ding caah Russia ralkap pawl nih kan fale ngakchia zeizat dah
thi hna seh tiah an duh? Russian invaders pawl nih Ukrainian ngakchia hna an that thluamah.
Russia nu pawl hna. Nan fa le hna hi Ukraine ah zeidah an vun tuah ti nan thei maw, Ukraine’s First Lady ka si ning bantuk in zeitin dah ka fa le lungthin ka tei khawh lai ti hi ka zuam peng i mah bantuk cun nun hi ka hmang tawn. Russian nu pawl hna mah hi mawh nan fa le nan cawnpiak ning cu a si, tiin lungfak tuk in a chim. Cre=RTK