Min Aung Hlaing bia nih kawlram a hninh; Suu Kyi caah thawngchia bak si

A bia chim mi nih kawlram a hninh bak ko hi, Kawlram cu ralkap uknak in a chuak kho ti lai lo ti a fiang ngai an ti cang.

Kawlram chungah tlang cung mi nih zungzal in an mah le ram caah zalawnnak an hmuh khawhnak ding caah an nih cawlcang peng lai ti a fiang ngai fawn. Kawl ralkap nih tlangcung mi hna cu federal a pe- duh fawn hna lo

Kawlram politic cu ngai a nuam chin lengmang, thil sining a fiang chin lengmang cang, mah bantuk in kan Senior General Min Aung Hlaing nih a chim cang caah kawlram Democracy a si khawhnak ding caah cun lam a um lo ti bantuk si ko cang. Kum tampi a rau lai ti a fiang ngai an ti cang

Senior General Min Aung Hlaing nih a chim ning ah cun Election hnuah Politics lei ah ka i hmang ve cang lai tiah Russian Media nih a komnak ah a chim.

June ni 23 ah Arguments and Facts media nih a halmi cu, Min Aung hlaing nih mah ti hin lehnak a tuah, “Election hnuah mipi an duh ning bantuk in Politics lei ah ka hmang cang lai, Kum 40 leng ralkap lei ah si seh, politic lei si seh experience ka rak ngei cang” tiah a chim

Parliament-ah ralkap hna cu zeitik ahdah an nih din lai tiah an halmi kongah, General Min Aung Hlaing nih mah ti hin a chim. Myanmar ram nih ramchungah i kahnak, i tuknak, tapung ti bantuk an um ti lo hnuah ralkap pawl nih cun an mah le lam/rian thatein an tuan cang lai tiah a chim.

Mah bantuk in ralkap lungput a si ah cun, Suu Kyi nih Phunhram 2028, rem a tim mi cu lam a um bak ti lo tinak si ko. Parliament ah ralkap an um chung poah cu 2008 hi rem khawhnak lam a um fawn tung lo. An mah ralkap nih 2008 hi an thleng duh bal lai lo ti a si fawn. Cu ti si ah cun kawlram caah cun Democracy lam cu a rau ngairih lai tinak a si .  Credit-RFA

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor