Covid ruangah vawlei cung ramkip cu kum 2 dengmang kan buai cang. Nihin tiang Covid ruangah ram tampi kan buai i, Ram tampi cu Covid voihthumnak a vun rah than ding mi zeitin dah kan doh lai tiin ram tampi cu ralring tein an um cang. Covid origin hi WHO le US nih hlethlaihnak thatein tuah an duh, natein China nih a duh lo. Lam a onh piak duh hna lo.
US nih thil sining hlethlaihnak tuah ding in heh tiah rian an tuan cuamah peng ko. Atu hi Covid thar tiah thei mi, Delta Strain Variant ruangah ram tampi an buai than i, US zong an buai ngai.
China cu a voihkhatnak Covid cu thatein an tei khawh. Lockdwon an tuah i, ralkap uknak a si caah mipi nih nawlh buarngam a si lo. Cozah nawlh a buar mi cu ralkap nih an thah lengmang hna.
Cucaah a voihkhatnak zong kha thatein an tei khawh. Natein Covid dang tiah thei mi, Delta Straint Variant an ti mi ruangah China cu heh tiah a buai than. China cozah nih mipi sin ah thawngthanhnak a tuah than i, China mipi dihlak cu atu Covid thar, Delta Straint variant test tuah ding in a ti hna.
Atu China ram, Covid a thawknak Wuhan, mipi 11 millions umnak cu an buai tak tak cang.
Wuhan lawng si lo in, State dang tampi ah Delta Straint Variant a ngeimi an tam ngai cang caah China cozah zawng a ralring tak tak cang.
China cozah nih Zero-Covid Strategy tuah an duh, natein an duh ning bantuk in an tuah ngam lo. Aruang cu mipi lei an buaituk lai caah an ngam lo. Cred-RTK
Kawlram thawngpang.. Rallokap pawl cu KIA nih bomb in an puah hna i minung 7 an thi 12 hliam an si
Shan chaklei Kwathkine pengkulh Ho Naung khua pawng mandalay le Muse kalnak lam cung ah rallokap bu pakhat cu KIA Batalion 29 nih tu zaanlei suimilam 1:30pm hrawng ah bomb in an puah hna i rallokap minung 7 an thi minung 12 leng an i hliam.
Shanchaklei, Mandalay- Muse lampi pawng ah rallokap le KIA,TNLA,MNDAA hna cu tu le tu an i kah nak a um peng ko.
Kalaymyo vanlawng bual ah rallokap 200 leng vanlawng in an phan. Kalaymyo vanlawng bual ah August 3 ah vanlawng voi 3 a tum,rallokap 210 hrawng an i tel. Vanlawng cu zinglei suimilam 10 ah voikhat,chun 12 ah voikhat zanlei suimilam 3 ah voikhat a tum. Vanlawng pakhat ah rallokap 70 hrawng an i tel. Cred-TCP
Be the first to comment on "Mithalopa China cu Covid ruangah ceilak in a buai than ve cang"