Zarh 2 aluan cia mi ah Chinese Tennis Star Peng Shuai nih a chim mi cu, China Vice premier a rak tuan cang mi, A retired Politician Zhang Gaoli, Former Vice Premier of the people’s of Republic of China nih a ka tlaihhrem tiin a chim hnuah atu hi a umnak theih a si ti lo. Mi tampi nih a konglam theih an duh caah heh tiah
Social media ah an au cuamah hnuah China cozah nih, Peng Shuai 35 hi, a dam, a tha, a cungah zeihman thil tha lo a tlung lo ti bantuk in Social Media ah an langter
Tennis Star Andy Murray, Noami Osaka le Serena Williams te pawl nih China cozah cu Peng Shuai umnak an hal i,
a umnak fiangter ding in heh tiah an forh cang. Chinese state media Weibo ah Hello, ka cungah thil thalo zeihman a tlung lo, ka dam ko, ka kongah thil dik lo in social media h post a si i, mah bantuk hna kha lih lawngte a si tiin amah Peng Shuai post tuah mi bantuk in post a si, natein mah bantuk in China State Media Weibo ah post a um mi hi a ho hman nih an zum lo
Peng Shuai nih mah bantuk in email ah ca a tial lai ti zum a si lo, Peng Shua nih raltha ngai in China top official hlun nih a tlaihrehm ning kong a vun phuan mi hi uar um ngai i upat ding a si tiin
mi tampi nih an uar ning kong an chim. WTA le vawlei cung mipi nih independent & verifiable proof hmang in a dam ko ti kan fiangternak nan tuah ding a si tiin heh tiah China cozah cu an forh cng
Lawn Tennis Association, London zong a vun holh ve cang i, “Peng Shuai kongah zeihman theih ding mi a um lo mi hi a nuam lo ngai, thil sining fiangtein kan theih a hau i China nih Peng Shuai kong ah a dik mi fiangternak a tuah ding a si tiin an chim. Amah a dam tha maw?
Aduh ning bantuk in a cungah a tlung mi chim ding in zalawngnak a ngei maw, cun bia dik chim lo ding in cozah lei in tlerhnak a um maw? tiin
UN Human Rights Office nih former Grand Slam doubles champion’s Peng Shuai umnak cu China cozah a hal? Natein China’s Foreign Ministry nih Peng bia chim mi le tlaihrem a si ning kong a chim mi zeihman an theih lo tiin an lehnak an tuah. Ministry spokesperson Zhao Lijian ‘the matter was ‘not a diplomatic question and I’m not aware of the situation’. Cre-RTK
Be the first to comment on "Muidawh tuk mi tlaihrem kongah China a mualpo cang"