Myanmar National Defense Force an dirh; An tuah ding mi hna cu

Myanmar ram hmun kip PDF hna i fon in August 2 ah Myanmar National Defense Force (MNDF) kan dirh cang tiah an thanh. Ralkap Council an ci hmih nakding le federal democracy ram ah i thlen nakding bawmtu ah, NUG Cozah thithruainak zul in zapi he hmun khat te ah kan tangti lai, ti zong an langhter. The Hakha Post

Rev. Thawng Dun Nih Kan Hriamtlai Hna Sin I Bia A Cah Mi Hna Hi A Tha Tuk Ee.. Ram caah nunnak thap in riantuantu le ramtang ah, fikfa le ngalsang le ruahsur lakah meithal a tlaimi kan fa le hna nan caah thla kan cam peng ko.

A tulio cu ral pahnih karlak ah kan tenh lio a si i, thinphang le thihnak in kan khat cio lio a si, sihmanh sehlaw hihi nikhatkhat cu a dih lai i philh khawh lomi tuanbia ah an cang ko lai.

Kan ral nih a tulio cu hmunkip um mi a kan thah, zawtnak in a kan thah, meithal in an kan thah, kan tha chia hlah seh hi rawl pahnih hi kan tei hrimhrim lai. Kanmah nih kan tei kho lai lo. Pathian nih hin a kan tei piak hrimhrim ko lai tihi kei cu ka zumh bak. Kan laimi hruaitu hna nih dinfelnak le Pathian tih buin kar hlang hna usih law teinak cu kan hmuh hrimhrim.

A tu ah cah kan duhmi hna cu kan fa kan nau le ramtangah meithal a tlai mi hna hi, ih lai thawhka hmanh ah Pathian sinah thla a cam lomi an tor lai ti cu hngalh cia a si ko.

Nan dihlak in thla an cam lo hmanh ah hruaitu hna nihcun Pathian sinah thla kan cam a biapi a tuk. Pathian sinah bawmh kan hal peng a biapi hih. Teinak hi Pathian sin lawnglawng kan hmuh khawh caah Ralkap hruatu vialte hna Pathian sin thlacam philh hlah uh tihi kan cah duh ko hna.

Kan nih cu hriamnam tha kan nei lo nain, Ralkap hi kan tei hrimhrim ko lai. Laimi nih kawl zia kan i cawmmi le kawlholh kan uar ning zong hi ningzak a si. A zei le zongin kawl zia le za kan i cawn mi zong hi i thinh cang hna u sih.Kawl pawl hruainak le an meeting tuah ning tiangin laimi nih kan i cawn dih cang.

Kan nih cu kan hriamnam zong a tha lo, Asinain Pathian nih a caan a za cang a ti ni ahcun hi uknak tha lo hi kan tei ko lai, covid zawtnak le uknak tha lo hi kan tei hrimhrim lai.

Raltuknak i a thimi kan nau le an chung le vialte nan tuar tuk ko lao nain Tuanbia dawh le miphun caah an nun an pek tiah ruat ko usih. Kan tuanbia dawh kan tial tik ah philh lo ding mi tuanbia an si hna lai. Rev. Thawng Dun Chimmi chungin lak mi a si.