Myanmar palik an mualpho cik cek, mah bantuk palik sakhan ah a tlung mi cu thil mak tuk a si

Mah bantuk thil ningzat tuk mi palik sakhan ah a tlung mi cu palik pawl sangtlai lo ruangah a si. Mah bantuk rian ttuantu pawl hna hi dantat ding an si, an rian thatein an ttuan lo. Palik sakhan ah an chia mi meithal le mobile fir cu thil mak a si ve

Meiktila palik sankhan ah meithal tampi le phone cu fir a si. Meiktila Myoma palik nih camp chungah an chia mi meithal le phone hna du fir an si tiin palik pakhat nih a chim. June 9, suimilam zinglei 2:00-5:00 am hrawngah Sergeant Kyanng Myat Zaw nih meitha chianak ah meithal a chia mi hna cu a fir, a um ti lo tiah thawngthei a si.

Mah lawng si loin amah phone le corporal le lance corporal phone hna cu fir a si, zeitindah an fir khawh, mah bantuk palik sakhan ah mifir nih an lut ngam lai maw? bia halding tampi a um. Mah bantuk palik sakhan ah thil fir cu an mah palik chungah an si lo ah cun lenglei in thil fir in palik sakhan ah va kal cu ngam din a si lo. Source-One News. Credit-Thengephesizopost

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor