Nancy Pelosi tazacuai a si. Asual tuk caah a mualpho chin lengmang cang

Kan thei cia bantuk in le ka rak tial cang bantuk in House Speaker Nancy Pelosi hi vawlei cung nu ah uar um bik mi panganak ah a tel ve mi a si. Amah hi politic ah caan saupi a rak tuan cang mi a si. Trump President i cuh a tim hlan ah Nancy Pelosi hi House member in ngawl a tim cang. Natein former President Trump nih President i cuh ve ding in thawngthanhnak

a vun tuah hnuah Nancy Pelosi zong House Member i cuh thang dingin tim tuahnak a ngei than mi kha a si

Covid ruangah US cu a buai chin lengmang cang. Rep. Ralph Norman (R-S.C.), Republican members of Congress nih House Speaker Nancy Pelisi cu taza a cuai.

Aruang cu, House Speaker Nancy Pelosi nih House member a si mi vialte cu mask i hruh ding dih tiin nawl a chuah. Mask a hmang lo mi hna cu dollar 500 liam ding a si tiin. Reps. Marjorie Taylor Greene (R-Ga.) le Thomas Massie (R-Ky.) an pathum in Nancy Pelosi hi taza an cuai  i, House ah Masks hmang ding tian nawl a chuah mi hi US phunglam a si lo tiin.

May ah khan Nancy Pelosi nih House chungah Masks an hmang lo caah US dollar 500 a rak liamter cang hna

Mah bantuk in House speaker Nancy Pelosi taza an cuainak ruang an chim ning ahcun, Centers for Disease Control and Prevention nih

“Covid sii tlamtling tein a lak cang mi caah cun Masks hmang a hau ti lo tiin an chim. Mah bantuk in Center for Disease control and prevention nih Covid sii dose tlamtling tein a lak cang mi nih Masks hmang a hau ti lo tiin thawngthanhnak a tuah hnuah House Speaker Nancy Pelosi nih House member vialte House chungah Mask hmang hrim ding.

A hmang lo mi tangka US dollar 500 nan liam lai tiin, mask hmang lo ruangah Dollar 500 a kan liamter mi hi phunglam a si lo tiin

Rep. Ralph Norman (R-S.C.), Republican members of Congress hi Covid sii completed in a lak cang mi a si, Natei covid a ngei than caah atu hi ni 10 home quarantine a tuah lio a si. Cred- Washingtonpost

US zong Covid thar, Delta Variant ruangah tu hi heh tiah an buai than i, Biden zong nih US mipi sin ah Masks cu hmang than ding in le Covid sii a chun lo mi vialte cu thatein Covid sii i chun ding in a nawlh hna.

Vaccine a chun lo mi han cu vanlawng i cit siang lo ding in vanlawng lei ah rian tuantu sin ah theiternak a tuah i, US cozah rian tuantu dihlak cu Vaccine si i chun dih hna u tiin heh tiah a aupi cuamah lio a si.