Jens Stoltenberg, NATO Secretary General nih a chim ning ahcun Russia ralkap pawl Ukraine border in Russia ram ah a kir ter than cang tiah a chim mi cu zumtlak a si lo, an kir tak tak ti fiangternak hmuh ding mi zeihman a um lo tiah a chim. Mah lawng si loin, Russia nih a ralkap pawl hna cu hriamnam tha tha hmang in thazaang an chap chin leng tiah a chim Russia nih Ukraine cu February ni 16 a tuk lai tiah US le NATO nih an chim mi kongah Russia nih
Ukraine a tuk lo caah Joe Biden zong a mualpho ngai. Afghan withdrawal ah fakpi in mual a pho cang i,
a tu mah bantuk in a dik lo tuk mi a chim hoi caah President approval rating ah 39% lawng a si. Mah bantuk
in US le NATO nih thawngthanhnak an tuah ruangah Ukraine mipi tampi cu zeitik ah Russia nih Ukriane a tuk lai i kan zam lai tiin tih ngai in an um. Mah bantuk thawngpang a um lio ah Russia Defense ministry nih a chim than ning ahcun, Russia ralkap tampi cu Russia ram ah kirter cuamah an si tiin a chim than. NATO Secretary General Jens Stoltenberg nih a chim than ning ahcun, Russia ralkap hna cu Ukraine border ah
thazaang an i chap thin lengmag. Russia nih a chim ning bantuk in Ukraine border in Russia
ralkap hna cu Russia ram ah kirter dih cang hna seh ti hi NATO nih a duh mi le a zoh lio mi cu a si tiin a chim. Cre-RTK
Kawlram thawngpang… Kayin ramkulh chung; Myawaddy peng, Phalugyi khua pawng um ralhrang sakhan cu Kayin mizapi vengtu ralkap le Rakhine ralkap ANC/AA hna i bawm in an kah hna, tiah ANC/AA nih cathanh a chuah. Cu Ralhrang kuttang BGF sakhan cu February 16, zanlei ah Rakhine ralkap ANC/AA le KNU/KNLA Brigade 27, battalion 2 le PDF ralkap phu hna he i bawm in an laak khawh, tiah theih a si.
KNU/AA le mizapi ralkap nih Sakhan an laak khawh hnu ralhrang lei nih hriamngan le vanlawng 2 in kah
an kah hna. Myawaddy BGF lei zong in ralhrang motor 12 in thazaang an rak chap caah Mipi ralkap hna
cu hnu an tolh ṭhan, tiah theih a si. Cu kahdohnak chung ah cun ralhrang hriamnam tampi laak a si i ralhrang a thi mi le aa hliam mi zong an tam tiah theih a si. February 14 ah khan Phalu khua le Lay Kay Kaw peng pawngkam ah kahdohnak a rak chuak i ralhrang thazaang chap ding in a ra mi ralhrang hna cu AA le mizapi vengtu ralkap phu hna he i bawm in an kah hna, tiah theih a si.
=Ralhrang nih Hriamngan le Tank In Moe Be an kah: Moe Be khuapi, Ngiang Wai veng, Be Lu Chuang
pawng ah umhmun a khuarmi ralhrang sakhan cu mizapi vengtu ralkap a phufonh hna nih nihin
February 17 zing Sml 4:45 ah an kah hna i kaphnih kahdohnak faak ngai in a chuak, tiah theih a si. Ralhrang lei nih hriamngan le tank motor in Moe Be khuachung mipi umnak hmun hna cu an kah caah khuachung mi nu pakhat zong hliamhna pu tiah khuachung mi sin in theih a si. Moe Be khuapi kahdohnak cu a fah khawh chinchin caah a hmunhma um mizapi cu a himnak hmun lei ah i dor chung ding in mizapi vengtu ralkap nih theihternak cathanh an chuah.
=Daw Oo Khu Kahdohnak Ah Ralhrang 4 An Thi: Nizan february 16 zaan Sml 8:30 ah Karenni ramkulh,
Loikaw peng, Daw Oo Khu nitlaklei ah umhmun a khuar mi ralhrang 70 hrawng cu mizapi vengtu ralkap
phu hna nih an kah hna i ralhrang pali an thi, tiah KDF chimphuannak nawlngeitu pakhat nih a chim. “Ralhrang pawl nih umhmun an khuar ti thawngpang kan theihnak ni 3 a si cang. Zahan zaan ah khan ruahlopi in kan va kah hna,” tiah cu kahdohnak kong cu a chim. Mizapi vengtu ralkap phu hna nih an kah hmasa hna caah kaphnih kandohnak a chuak, tiah a langhter. “Ft’ 100 hrawng a hlatnak in kan kah hna caah
ralhrang lei a thi mi hna zong kan hmuh khawh hna, anmah lei zong nih hriamngan le hriamhme he an kan kah ve.
Hriamngan in voi 10 hrawng cu a kan kah men lai,” tiah cu kahdohnak kong cu a chim chap. Suimilam pakhat chung hrawng kaphnih kahdohnak ah hin ralhrang 4 an thi, tiah KDF lei nih nih cun an langhter. “Ralhrang pawl hriamnam cu laak khawh kan i zuam tuk ko nain, kan hriamnam aa thlau tuk caah kan la kho li tiah,” tiah hriamnam an chambau nakkong zong an chim chap. Mizapi vengtu ralkap lei in aa hliam mi um lo tein hnu an tolh kho, tiah KDF nih a thanh. Cre-TCP