US thawngpang lawng ka tial tawn i, mi tampi nih ca nan ka kuat i, Kawlram thawngpang hi vun tial pa tawn nan ka ti caah a hman mi le a dik mi kawlram thawngpang ka vun tial pa tawn lai ti kha ka ca rel tawntu sin ah theiternak ka vun tuah hmasa. Kawlram kong tuak ah cun rawl ei zong a nuam lo, zan i nghilh khawh zong si lo
mah tluk in kawl ralkal an sual tuk mi kongah nihin tiang an cungah zeihman action lak a si lo mi cu lung a fak bak ko.
Pathian sin ah heh tiah thlacam peng hna u sih, Pathian nih kan caah caan tha a kan ser piak mi a um hrim ko ti hi i fiang hna u sih
Myanmar UN Ambassador U Kyaw Moe Htun nih UN Security Council sin ah Min Aung Hlaing uico ralhrang pawl nih Karen mipi 100 hrawng mei in an khangh mi kongah a rangnak in action lak ding in a nawl hna. Ambassador U Kyaw Moe Htun nih UNSC ah cakuat a tial i, mah a cakuat mi copy hi United Nation Special representative Nolin Hezar sin ah a kuat chap.
Ambassador U Kyaw Min nih a chim ning ahcun, Moso village, Fruso Township ah Min Aung Hlaing ralhrang
uico pawl nih mipi mei in an khangh mi lak ah hin nu le ngakchia minung 15 an tel, cun nuva thar a si mi zong an nih tel tiah a chim.
Military Council pawl an cawlhcang ning hlethlainak tuah ding in Independent & Non-Biased Investigation Team – UN Human Rights Group dir in thil sining fiang cik cek in langter ding in a nawl chap hna. Cun kawlram mipi caah, UN Security Council cu rang deuh in cawlhcang cang hna seh tiin a duh ning a chim chap. Cred-RTK
=Kawlram a buai ning kan theih dih ko, a hlei in Chinram chungah kan buai ning le kan nu le pa, chungkhar nih
ram that lo ruangah ram le miphun caah tiin nun pek in ram caah an dir. Natein kawlram mipi lawng nih zeihman tuah khawh kan si lo
ramdang bawmhnak kan herh, atu cu thawngpang sunglawi tuk mi kan thei cang. US hi super power ram a si bantuk in US thil kalpi ning in vawleicung hi 80% a kal an ti bak mi a si, cucaah mah bantuk US president nih min thutnak a tuah mi hi lunglawm lo in um khawh a si lo. US President Joe Biden nih Zahan ah National Defense Authorizatio Act 770$ Billion Defense Bill
congress nih an passed mi cu min thutnak a tuah. Mah congress bills hi Joe Biden nih a zum mi nak in $24 Billion in atam deuh.
US caah cun thawngpang tha tak tak a si. China a thawng chin lengmang, Russia le China cu rian tuan ti an nih tim tikah
US zong nih China le Russia zoh sawh sawh a tim bak lo ti fiangte in message a kuatnak bantuk si cang. Mah hi US mipi caah thawngtha ngai mi cu a si. Mah National Defense Authorization Act hmangin service members pawl hlawh zong 2.7 percent in kai ter a si lai. Mah President Joe Biden nih NDAA min thutnak a tuah mi ah kawlram caah thawngpang sunglawi tuk mi a tel ve mi a um caah
mah hi chim ka tim mi cu a si. Atu president Joe Biden nih NDAA Law minthutnak a tuah mi ah hin Kawlram ah National Unity Government cu
phunglam ning tein cohlan a si khawh cang lai. NDAA law minthutnak a tuah cang i, US cozah nih NUG cu kawlram cozah a si, Democracy cozah a sertu a si ti a cohlan lai i, cun, NUG in CMD support a si lai. Mah President Joe Biden nih NDAA Law minthutnak atuah hnua ah hi cun, Myanmar Democracy lawng hi Myanmar cozah dik cu
a si lai ti cohlan nak lam kan zulh cang lai tinak a si Atu President Joe Biden nih NDAA law minthutnak a
tuah hnua tlakhat hlan ah US cozah sin ah Myanmar Democracy Activities report pek a si lai. Mah bantuk thawngpang sunglawi tuk mi cu thei cu hna angam tuk cang i, Pathian nih zumtu thlacamnak aphilh hrim lo. Mah NDAA nih tlamtling hmang a si cang lai caah Myanmar ram chungah ceunak zong a rau hlan ah hmuh khawh a si lai tiah mi tampi zum ning a si. Cred-RTK