Tu kum chungah Ram mi dihlak ralkap ttuan ding in kan tawlrel lai. Ralhrang bawi Min Aung Hlaing nih tu kum chungah biapi i ai hmaithlak ding mi thil 3 a chim hna. Nizaan February 2 meeting ah Min Aung Hlaing nih tukum chungah tuah a timh mi thil 3 a chim, cu hna cu: (1) Rampi chawlehthalnak tthat ter
(2) Ramkhel tthat ter ding. (3) Ram mi dihlak ralkap ttuan ter ding timi hna an si. Rammi dihlak ralkap
ttuannak ding upadi ser in nun ter a si lai i kum 1 maw asiloah kum khat le cheu dek a rau lai. Kan ram chawlehnak le
ramkhel a tthat lo ahcun innpa ram hna zong nih zohniamnak le zei rel lo nak a um khawh caah ram mi dihlak ralkap ttuan ding hi puitlinh khawh kan i zuam lai tiah a chim.
Thawngpang dang.. Mipi ralkap fonh nih ralhrang an kah hna minung 2 thi. Kalay thlanglei khua ah hmun a khuar mi ralhrang pawl cu mipi ralkap fonh nih an kah hna tiah theih a si. CDF-KKG, CDF-Hakha, PDF-Kalay, RKDF le ပကဖ ralkap fonh hna nih Kalay thlanglei Gyian Thar khua ah hmun a khuar mi hna karlak tuzing aml 8:00am tiang kahdohnak a chuak i mipi ralkap fonh nih sniper le hriam ngan
kahnak ruangah ralhrang 2 nunnak a liam i hliam tuar an tam tiah CDF-KKG nih an langhter. Mipi
ralkap fonh lei in thi lo an um lo nain CDF-KKG le CDF-Hakha in pakhat veve hliam an tuar tiah an langhter. Cred-Suimilam
= SAC Ralhrang Bomb Puah Hnawh Dingin A Timh Tuah Lioah Bomb A Puah Sual Caah PDF Pakhat Nunnak Liam! KNU Brigate (1) umnak hmunhma chung simi Bi Lin peng Yi Lin Taw ah SAC ralhrang ralkap bomb puah hnawh dingin aa timh tuah lioah bomb a puah sual caah PDF pakhat nunnak a liam hi a si. Febuary (2) zinglei sml 3:00 ah Bi Lin peng chung
Yi Lin Taw khua leikap ah a kalmi SAC ralhrang ralkap motor rual cu KNU Brigate (1), Battalion (2) hram
bunh People Guard Force Local PDF phu in bomb puah hnawh dingin aa timhtuah nakah atu bantukin a
cang sualmi a si. Cu bantukin bomb puah sual nakin nunnak a liamtu min hi fiang tein theih thiam a si rih lo. Bomb siseh hriamnam tibantuk an timhtuah lioah tuah sual/tongh sual nakin an nunnak a liam bangin hliam an tuar caan zong tampi a um. A liamcia January 22 zinglei caan zongah Chin ramkulh chungum mipi vengtu PDF-Zoland in Ko Mung Nu le CNA in
Salai Cung Lian Sang hna zong bomb puah sual nakin an nunnak a liam. Ref: Than Lwin Times, The Fedaral Times
Yangon Khuapi Chung Hmun Tampi Ah Thisen He Aa Lomi Thilsenmi Thuh In Duhlonak An Langhter! SAC ralhrang ralkap nih kahdohnak siseh runvennak chah taktakin an laaknak hmun Yangon khuapi chung hmun tampi ahcun mino hna nih Febuary (2) zanlei sangah thisen aa lomi thilsen thuh hratin duhlonak an langhter hi a si. Mino hna nih Yangon University hmai,
Yangon ramthen hluattaw innpi hmai, Gyih Myin Taing Pan Pin Gyi lam, Han Ta Wa Tyi Awaing Bus Stop,
Tin Kaing Kyun Junction Ya Wa Na lamtonnak zawn, Ka Bar Ayi Kyaw hlei tang hna tibantuk ah thisen he aa lomi thilsen thuh hratin SAC ralhrang ralkap an ralchanh hi a si. Cu bantuk thisen he aa lomi thilsen thuh hratin duhlonak langhternak cu khuapi chung pyauh kyar ahdohnak tuahtu phu hruainak in an tuahmi a si tiah theih a si. Ref: People’s Spring, The Fedaral Times