Nihin KIA le KNU thil tuah mi cu MAH caah mangchia bak si hoi cang. A thi mi cazing langter a si

Kawlram cu State dangah civil war a chuak cang tiah ruah khawh si cang. Nihin ah Kachin Puto oo ah i tuknak heh tiah a chuak than. Kachin State Puta oo khualipi, Shwenpiya nih  uico ralkap cu an dawih hna i,

Ralkap motor in a zam mi uico ralkap hna cu, Phuyinkhah le Shwenpiyan kiangah KIA nih zinglei suimilam 11 hrawng ah bawh hna i, Kawl ralkap hna cu ceilak in an kha hna. Mah i kah nak ah hin Kawl ralkap lei minung 3 an thi tiah langter a si.

Mah hmun ah i kahnak saupi a chuak tiah thei a si. Kawl ralkap lei ah a thi mi 3 hi confirmed an tuah khawh mi cu a si, cun midang a thih mi zong an tam ngai lai tiah zum a si. KIA lei ah a thi mi an um lo tiah report nih a langter

Kachin ram chungah Min Aung Hlaing le a uico pawl hna cu tlangcung hriamtlaih phu he, heh tiah March 20 thawk in an i kah cang. Atu hi tih nung chin lengmang cang tiah thei a si. Mipi zong ral tuknak hmun kingah um ti lo ding in theiter an si cang caah mi tampi cu ramleng ah an zam cang.

Min Aung Hlaing le a uico pawl hna cu an celh ti lo caah atu hi tih nung mi hriamnam an hmang thluamah cang. Nihin ah Bomb ngantuk mi hmangin voih 6 tiang bomb an thlak tiah thei a si.

Mah bomhb an thlak mi hi a puak lo i, a dang cu China ram chungah a tlah tiah thei a si. Miphun hriamtlaih phu KNU zong nih MAH Terrorist ralkap batalion 96 umnak hmun hma cu an lak piak than tiah thei a si.

Mah i tuknak ah a thi mi cazing cu thei khawh a si rih lo. Mah bantuk camp ngantuk mi KNU  nih kawl ralkap an lak piak khawh mi cungah KNU cu an nih nuam ngai tiah thei a si. Crd- 7stars News

Hakha Khuathar ah Pu Tuan Ceu Fale Pahnih Ralkap nih an Tlaih Hna. Tu zaan sml. 9:00 hrawng ah Hakha Khuathar, Thantlang lei kalnak lam ah a ummi Pu Tuan Ceu i a fale mino pahnih ralkap nih an tlaih hna, tiah thawng kan theih.

Tlaih a tongmi Pu Tuan Ceu fale pahnih hi Zo Thang le Tluang Thang an si. Kawlmi hna an umnak Shwe Man Thu dawrkhaan ralkap nih an bauh hnu ah inncung ah a ummi Pu Tuan Ceu fale pahnih an tlaih hna hi a si. Zei ruang ah dah an tlaih hna timi fiang in theih a si lo. Cdr- The Chin Journal

Be the first to comment on "Nihin KIA le KNU thil tuah mi cu MAH caah mangchia bak si hoi cang. A thi mi cazing langter a si"

Leave a comment

Your email address will not be published.


*