=Thantlang ah Inn 40 leng a kang cuahmah. 2022 January 3 — Thantlang khuachung nihin zaanlei sml. 3 tluk in kangh hram a thawkmi Kawl Ralkap nih mei khanghmi ruang ah inn 40 tluk a kang cang i, Biakinn pahnih zong a tel tiah CHRO nih a thanh. Zaanlei sml. 3 in a kangmi ruang ah Gospel Baptist Church, Methodist Chruch
le an biakinn quata pawl telh in inn 40 leng a kang cang. Zaanlei sml. 6:30 tluk sining ah, Johnson Memorial Baptist Church
biakinn zong a him lai maw, a kang lai dah timi theih fian a si rih lo tiah CHRO nih cun Twitter ah a tial.
=Ralhrang phu nih nawlngeihnak an laak hnu May 19 in December 31 tiang ah a cangmi Kaya ramkulh chung kahdohnak mizapi lei in minung 146 nunnak a liam cang, tiah KNDF nih cathanh an chuah. Thla 8 chungah ralhrang phu le KNDF telh in mizapi vengtu phufonh kar ah kahdohnak voi 81 tiang a chuak.
Cu kahdohnak ah cun ralhrang lei in minung 248 an thi, minung 149 nih hliamhma an tuar tiah theih a si.
KNDF lei in hliamhma tuar mi minung 24 tiang an um i minung 13 an nunnak a liam ve, tiah an cathanh
chuahmi ah cun an langhter. Atu ah KNDF in battalion 18 tiang a um i, cu lak i battalion 16 cu tlamtling tein thuamh khawh mi a si, hriamnam zong tha tein tawlrel khawh a si cang, tiah theih a si.The Chin Post
= Yangon-PDF nih pengkulh 4 ah ralhrang phu an doh hna caah ralhrang bawmtu minung pakhat telh in ralhrang
phu lei aa telmi minung pali an thi. ralhrang minung pahnih nih faak ngai in hliamhma an tuar tiah Yangon ramthen PDF nih cathanh an chuah. Ralhrang phu nih mizapi hna cung ah a lamkip in an tlaih hna, an hrem hna an thah hnanak ah lehrulhcham in an doh khawh nakding caah “ပျံလွှားအောင်” raltuk
cawlcanghnak cu December 30 in January 2 tiang tuah a si, tiah December 3 ah cathanh an chuah.
Yangon-PDF dohnak ruangah Hlaing peng ralhrang phu hna FAW motor pakhat cu a rawk i Theinkangyun (သင်္ဃန်းကျွန်း) peng
ralhrang chungtel pakhat a thi. Cun Shwe Pyi Tar peng sang khuabawi telhin minung 4 an thih leng ah ralhrang minung 2 cu faak ngai in hliamhma an tuar, tiah theih a si.The Chin Post
=Nihin zing ah Demosuh myo nee ah Zing lei suimilam 1:00 am in zanlei suimilam 5 tiang kahdohnak a chuah i DMO -PDF mipi ralkap 2 an nunnak a liam tiah theih a si. Mah kahdohnak ah hin SAC ralhrang nih hriamngan lawng te an hman caah fakpi kahdohnak a chuak.
PDF pasaltha 2 a thimi hna hi hliam fak ngaingai an tuar hnu ah sii lei a thiam mi hna nih an thlop ko hna nain,
suimilam a cheu an thlop hnu hna ah an nunnak a liam tiah Demosuh – PDF nih nih an langhter. Mah lawng si loin hliam a tuar mi minung 3 an um rih tiah an chim , SAC ralhrang nih hin hriamngan lawng te an hman caah hihi a chuak mi a si. Tantak mi chungkhar hna bawipa nih in hnem ko hna seh.