Nihin zanlei ah thawngtha tuk mi pathum kan thei cang

CDF Nih Ralhrang Khawngsil Cu Ralrin A Pek Than. June 10 ah CDF nih ralhrang khawngsil ralrin peknak ca a tial than.

Ralhrang khawngsil nih Chin miphun nan tlaihmi vialte pakhat hmanh bau loin thlah dih hna u. Nan thlah hna lo a si ahcun Chin ram hmunkip ah ral kan tho lai, tiah CDF nih cun an tial.

June 10 ah Chin ramkulh hmun 2 ah ralhrang le CDF kahdohnak a um i ralhrang lei 27 an thi. Khualhring Tlang kahdohnak ah 17, Hakha le Gangaw lam kahdohnak ah 10 an thi. CDF lei an him dih. Pathian nih a umpi hna.

Gangaw le Hakha Kar Kahdohnak Ah Ralhrang 10 An Thi. Nihin (June 10) zaanlei suimilam- 3:00 hrawng ah Hakha-Gangaw karlak ah CDF-Hakha le ralhrang rallokap kahdohnak a chuak i ralhrang lei in minung 10 an thi.

CDF-Hakha lei an him tiah Chinland Defense Force nih an langhter. TCP

CDF-Thantlang le SAC Ralhrang Kahdohnak ah Ralhrang 17 an Thi. Nihin zinglei sml. 10:00 hrawng ah Thantlang peng, Khuahringtlang ah CDF-Thantlang le SAC ralhrang kahdohnak a chuak i SAC ralhrang lei in Captain rank ralbawi pakhat telh in ralhrang 17 an thi.

CDF-Thantlang lei in hliamhma a pumi an um lo, tiah Chinland Defense Force (CDF) nih thawngpang a chuah.TCJ

Thawngpang dang…Pu Peng Hu a Tlaunak Zarh Khat Leng a Si Cang, Chungkhar Lungrethei. Kalaymyo peng, Mandaw khua ah a ummi Pu Peng Hu (kum 40) cu May 31 zinglei sml. 6:00 hrawng ah tiva ah tikholh ding in a kal i, cu caan thawk cun inn a hlam ti lo.

Pu Peng Hu hi fa pahnih a ngeimi a si i, thluak lei damlonak zong a ngeimi a si. Zarh khat leng an kawl len cang nain an hmu rih lo i, atulio ram buaibainak lak zong a si caah chungkhar an lungre a thei khun.

A hmutu nan um a si ahcun a tanglei phone number ah hin rak kan pehtlai hram u, tiah chungkhar nih bawmhalnak an tuah. Phone – 09259426947; 09980385974. Cred-TCP

Be the first to comment on "Nihin zanlei ah thawngtha tuk mi pathum kan thei cang"

Leave a comment

Your email address will not be published.


*