Cutluk Nikhat chungin Covid a ngei mi an tam kho ning cu amak law law, Minung kan nunnak hi Pathian kut ah a um, Kan nunnak zohkhen le thatein i ven hih minung lei in kan rian pakhat a si ve ti kha philh lo ding. US um Chinmi ralrin peng hna u sih, Voih tampi ka tial cang, ka tial peng lai, a ruang cu thinak le nunnak kar a si caah a herh tuk mi a si caah tial peng ka zuam.
Covid sii a chun cang mi zong a thi mi an um pa lengmang cang caah le Covid sii voihhnih a chun cang mi le
booster a la cang mi zong nih tu lio pulrai hi an ngei peng caah ralrinnak le i vennak caah a tha bik mi cu mi tampi umnak ah um lo,
Restaurant ti bantuk ah rawl ei lo, cun kalnak kip ah Masks hmang peng. President Joe Biden nih Nihnih Ni/Tuesday ah hin Coronavirus Team pawl he i tonnak an ngei lai, a ruang cu US ramchungah Nikhat Ni/Monday ah Covid a ngei mi an dihlak cu 1,017,376 an si (1 million leng an si tinak a si cu) tiin tracker record ah thei a si
Joe Biden nih president ka si ahcun Covid ka tei lai tiah a rak chim, natein Covid tu nih Joe Biden cu a tei cik cek,
Joe Biden president a si hnuah Covid ruangah a thi mi an tam chin lengmang caah le a zawhmi an kar chin lengmang caah
White House cu a mualpho tak tak cang. President Joe Biden zong nih zeitin dah lam kan kawl lai ti a thei ti lo i, December Ni 27 ah US Governor pawl he video conference nih i tonnak an ngei i, Federal Cozah nih zeitin dah Virus hi kan tawrel lai ti solution kan ngei lo ti cu a cohlan cang
Atu hi US company nih Covid sii, ei ding mi an ser khawh cang, Natein mah covid sii/pills zong cu mipi nih
an her ning bantuk in President Joe biden nih order a tuah khawh lo i, heh tiah mipi lei nih Joe Biden cu an soisel cang i,
mah Covid sii/pills hi FDA nih kan sining a tha lo tuk cang caah tiin a rianrang in a pproved an tuah mi a si. Merk le Pfizer nih an ser mi ei ding mi covid sii hi tam deu in mipi cawkh khawh ding in order si cang seh ti hi mipi duh ning cu a si
Natein January chungah mah sii/Covid sii ka in ei mi hi 250,000 hrawng a um lai tiah zum a si. Sii zung pawl
nih an herh tuk cang i, a rangkho chungin mah Merk le Pfizer nih an serh mi Covid sii ei ding mi hi ngei an duh cang. Natein, Joe Biden ni a rian a tei lo tuk caah US siizung pawl nih an duh ning bantuk in January thlachungah an hmuh kho lai lo. Cred-Breitbart