NLD hruaitu le ASEAN palai i tonnak kongah thawngpang thar

Myanmar ralkap hotu, general Min Aung Hlaing nih Cambodia ram in Association of Southeast Asian Nations (ASEAN) special envoy le Aung San Suu Kyi-i party, National League for Democracy (NLD) member hna cu i ton ding in a cohlan cang tiin Media tampi nh an tial cang. January 26-ah video call hmangin Cambodia prime minister Hun Sen he an nih chawnnak ah, General Min Aung Hlaing nih ASEAN special envoy kawlram ah va kal tikah, NLD member hruaitu dang he i ton ding in a cohlan ti a chim i, Natein NLD member chungah a ho dah a hmuh lai ti cu mah meeting an tuah nak ah hin a chim lo tiin Cambodia minister Kao Kim Hourn nih a chim.

Kim Hourn nih a chim mi cu, ASEAN special envoy, Cambodia foreign minister Prak Sokhonna nih Daw Suu Kyi cu a hmuh kho lai ti a zum lo ning a chim chap. NLA biachimnak nawlngeitu, Nay Phone Latt nih ASEAN palai he meeting nheih cu an party nih a cohlan tiin a chim ve. ASEAN chair a tuan lio mi, Cambodia nih ASEAN foreign minister’s meeting ngeih ding mi ah, Myamnar ram cu non-political aiawh hna kalter ding in a rak chim cang hna, mah meetingah ralkap cozah aiawh cu a tel kho lai lo tiah a chim chap. Cred-Vanglaini

Kawlram thawngpang….Karenni (Kayah) ramkulh chung ah, ral ruangah a himnak hmun i ai dor mi ralzaam hna camp ah Demosoe peng CDM Fire Police pawl nih dinti an va pekṭhenh hna, tiah theih a si. Demosoe khuapi pawng ah a um mi ralzaam camp 4 hna ah Febuary 5 thawk in ti an van pek hna. “Ral ruangah ai dor mi an si caah duhdim in hman ding ti an ngei kho lo,

Khuapi chung ti ah le mei a rat lo caah ti dawpnak seh hman khawh si lo, Cucaah ti an har tuk hna. Cucaah dawtnak le zawnruahnak lungthin he kan pek chanhmi hna a si, zei bantuk cozah hmanh nih fial mi le man phalh in kan tuah mi si lo,” tiah CDM Fire Police nih cathanh a chuah. Ralhrang nih hriamngan an kah ruang le mizapi umnak hmun i kahdohnak a chuah lengmang caah Karenni(Kaya) ramkulh chung ah ralzaam an tam tuk i dinti an har tuk, tiah CDM Fire Police nihcun a thanh chih.

=Chinram SAC ralhrang ji kan ttih ning tluk in an cawl kho tilo. A ruang cu chinram hriamtlai hna nih a ka kip in an bawh hna an kah hna caah kal kho lo kir kho tluk in an tuah hna caah chinram ah hion Ralhrang hi an cawl kho ti lo Gangaw lei in an a rak kai mi le CDF nih chinram kai khawh lo ding in an dang fawn hna caah an duh ning in an rak kai kho lo. Kalay in a rak kai mi pawl zong CNDF le CDF nih an kham hna caah chimram ralhrang cu an cawl kho lo. A um cia mi ralhrang pawl tei khawh hi a biapi ngai ko cang. tahchunhnak ah Hakha ralkap le khuapi dangdang ralkap luh hnawh i tei kha a si cang.

Tukum chungah cun kan chinram hi chinram hriamtlai nih an lak khawh bak lai tiah ka ruah. Amah belte cu ralzam pawl belte cu tukum ah an kir khawh te lai tihi cu ka zum lo. a ruang cu ralhrang nehnang hi CDF/CNA nih tha tein bomb puak lo mi ti pawl hi an kawl ta a hau, cu lo ahcun mipi caah a him deuh lo tiah ka ruah. Pahmung Mh. Thawngdang Kachin ramkulh, Tanan pengkulh, Shwe Hmaw le Pazinhmaw pawng um mi Nankonh ralhrang camp cu KIA & PDF nih an kah i, an laak khawh, tiah tualchung mi pakhat nih a chim. Febuary 6 zing suimilam 9:30 hrawng ah Nankonh ralhrang camp cu

KIA le PDF ṭangrual nih an luhhnawh hna i an kah hna. Suimilam pakhat chung hrawng kaphnih kahdohnak a chuah hnu ah ralhrang camp cu an laak khawh, tiah theih a si. “Tanan khuapi i nitlaklei ah a si: A hlan ahcun Pazin Shwe Hmaw ti a rak si i, KIA an rak um nain ralhrang nih an rak chuh khawh hna caah ralhrang nih hmun an khuar thai i, atutan ah KIA le PDF nih an van chuh ve hna, An hmun ṭhing an vun hlam ṭhan ti khawh a si,” tiah tualchung mi pakhat nih cun a chim. Hi Camp hi KIA camp hlun a si i 2016 kum ah ralhrang nih tanglei le cunglei he vanlawng in thazang tam taktak in an rak luhhnawh caah KIA nih an chuahtak mi camp a si.

Atutan ralhrang camp laknak ah ralhrang zeizat an thih ti tu cu KIA nih an thanh lo caah hngalh a si lo. Nain KIA le PDF tu cu an him ko tiah kan theih, tiah tualchung mi hna nih Nankonh ralhrang camp laknak kong ah an theih mi thawngpang cu an chim. KIA & PDF ṭangrual le Ralhrang karlak ah February 1 thawk in Potao, Suanparabuan, Phakanh, Tanan, Miehngin peng hna ah kahdohnak a faak i ralhrang camp le Palek camp pawl zong KIA le PDF nih an laak hna pin ah rallam sialmi ralhrang zong tam ngai an thah cang hna, tiah theih a si.The Chin Post