US & South Korea nih Joint Military drill an tuahmi cu North Korea nih a duh lo ngai si lai, Short Range Ballistic missile cu voih 8 leng a kah chuah caah south Korea le Japan pawl an lau ngai tiah report nih a langter . Mah bantuk in North Korea nih Ballistic Missile a kah ruangah Korean Peninsula lawng si loi in, Japan mipi hna tiang thihphaih in a chia hna.
North Korea News Agency KCNA nih a tial ning ahcun, “Kan i timh ning bantuk in
Missile kan test mi hi a tlamtling”. tiin a chim. Seoul & Washington nih Naval drill hlei ah,
Japan & US joint missile defense drills an ngei lio a si. South Korean President Yoon Suk Yeol nih an hawikom ram North Korea zoh sawh sawh a tim ti lo. South Korea Memorial Day speech ah President hmasa Moon Jae-In nih, North Korea cu fakpi in lehrulnak tuah a si lai tiah a chim. Cred-RTK
Relchap==Ukraine le Syria ah a thimi Russia ralkap chungkhar hna cu Ruble 5 millions pek
ding in President Putin nih June 6 ah khan minsen thutnak a ngei. Cu nawlchuahmi cu
Rogvadia tiah hngalh ciomi bodyguard ralkap theihpinak le cohlannak a si i, Rogvadia cu Russia caah special force an si i, Ukraine kahdohnak ah zeimawzat an thi. President Putin sinah direct in thawngpang peknak nawl a ngeitu special force cu a liamcia Kum 2016 ah khan rak dirh a si i, dai tein cozah duhlonak langhter in lamzawhtu hna cu ṭhencheu dingin Russia ramchung ahcun an hman hna.
Ukraine ram luhhnawh in kahdohnak caan chungah Russia ralkap 1351 an thih pinah 3825 nih
hliamhma an tuar tiah March 25 ah khan cathanh an chuah nain cu hnu pinlei ahcun a thimi
le hliam tuarmi hna zat hi cathanh an chuahmi a um ti lo. Ukraine le nitlaklei ram hna nih cun Russia ralkap a thimi zat hi an chimmi nakin alet in an tam tiah an chim ve. Russia ralkap hna nih Ukraine khualipi Kiev le khuapi bik changtu Kharkiv hna cu laak ding in kahdohnak an tuah nain an ruah ningin hma a kal lo ruangah hnulei an i zukphiat i, atu ahcun nichuahlei Donbass lei ah faak ngai in kahdohnak an tuah ṭhan.
Kawlram thawngpang… Kaya(Karenni) ramkulh, Demoso peng Myoma sang Fimcawnnak
(Education) zung kam ah motor in humhimnak a latu SAC ralkap le Demoso PDF(DMO-Local PDF) camp 3 in C,D,E Battalion, Companny cheukhat le 1102 Battalion cu June 5 ah an i kap, tiah theih a si. Chun hnu sml 1 in 2 tiang kan i kap i SAC ralkap 6 an thi, kanmah lei in a thimi kan um lo, tiah DMO-Local PDF nih cathanh an chuah. Kahdohnak a daih in SAC ralkap nih hriamngan voi tam tuk an kah caah mizapi inn cheukhat an rawk, tiah theih a si. Cu bantuk ṭhiam in Sagaing-Monywa lam, Sagaing peng Chaikyi khua pawng ah
June 5 zing sml 8:00 hrawng ah kan phummi bomb an fimhlawm dih in hman an
thlak cuahmah lioah bomb a puak i, SAC ralkap 5 an thi, tiah Sagaing Guerrilla phu nih cathanh an chuah.
==Myanmar ramchung ah May 7 in June 6 tiang thlakhat chung kahdohnak ah SAC ralkap 2,000 leng an thi i, minung 539 hliam an tuar, tiah NUG Ministry of Defense nih an thanh. NUG cozah dirh kumkhat a tlin tiang ah mizapi vengtu ralkap battalion phu 257 dirh a si cang, pengkulh 250 ah tualchung hriamtlai phu cu ṭha tein kan dirh khawh cang, cupinah tualchung hriamtlai phu 400 leng he
hmunkhat te ah rianṭuanṭi ding in pehtlaihnak kan ngei cang, tiah NUG nih an thanh.
==Pauh Peng Kaing Lay Palik Sakhan Kahdohnak Ah PDF 2 An Nunnak A Liam!:
Magwe ramṭhen, Pauh peng thlanglei, Kaing Lay palik sakhan laak ding in kahdohnak ah CAF- SPUPDF MayLat hmunram, SikPhyo peng mizapi vengtu ralkap 2 an nunnak a liam tiah anmah he pehtlaihnak a ngei mi mizapi vengtu ralkap phu nih cathanh an chuah.
June 7 zinglei Sml 6:00 ah Pauh peng thlanglei KaingLay palik sakhan cu PDF phufonh nih an kah i,
kahdohnak ah mizapi vengtu ralkap Yan Naing Moe le Kyaw Zaw Lyin hna cu an nunnak a liam. Nihin ah anmah upat peknak he an ruak vui an si, tiah an ṭianrualpi hriamtlai phu nih cathanh an chuah. KaingLay palik sakhan laak ding i kahdohnak ah hin palik pakhat a nung in tlaih si i, Palik tampi an zaam, tiah an langhter. Cre-TCP