Min Aung Hlaing uico pawl sual tuk ruangah sualnak a ngei lo mi pawl cungah mah bantuk in an tuah mi hi cu celh ding a si lo ee. Minung a si ve mi, sualnak angei lo mi, hlethlaitnak tuah ruangah mah bantuk tiang an cungah tuah cu celh ding a si lo. Nihin Febuary Ni 5 ah, Kawl ralhrang uico pawl nih Ko Kyaw Min Tun le Ka Kyaw Thu Ang unau cu Madhu Khua, Mandalay-Monywa main road Sagaing Region mi
hna cu bia halding in ralhrang uico pawl nih an tlaih hna. Bia an halnak ah fakpi in an tuk hna i thi lak
tiang an tuk hna. An unau ruak hi an nu nih a va lak i, an taksa cu zoh ngam ding a si lo. Nu caah celh ding a si lo ee. Cred-The Han Group.
Thawngpang dang… Chin ramkulh Falam pengchung 2022, January thlachung ah ralhrang phu hna le CNDF karlak ah kahdohnak voi 12 a chuak. Cu kahdohnak ah cun ralhrang phu lei in minung 81 an thi i, minung 60 leng nih hliamhma an tuar tiah CNDF nih nizan February 3 ah cathanh an chuah. Nawlngeihnak latu ralhrang phu minung thazaang 300 hrawng cu
January 6 thawk in Falam pengchung Waibulah lei rallam an sial ah CNDF nih an doh hna, tiah theih a si.
Kahdoh a chuahnak pawng hmunhma 8 hrawng ah ralhrang phu hna ruak pon mi cu hmuh a si i, CNDF
nih 60mm, 40mm le kuan tampi zong kan lak khawh, tiah an cathanh chuah mi ah an langhter. CNDF lei nih bomb thianhhliamhnak an tuah lio ah minung pakhat nih hliamhma faak a tuar i, hliamhma tuar mi dihlak minung 8 an si, tiah theih a si. Cun CNDF lei in minung pakhat a nunnak a liam. Source: Zalen
= Myinmu pengchung, Padathai khua ah ralhrang phu hna nih rallam an sial pah in khua mi cheukhat cu
khuachung an rak kir lei ah an thah hna. An thah mi hna hi mino deuh si dawh an si i, miruak hna cu
burbuk lak ah meikhangh chih in thah a tong mi; lamkam ah hliamtuarnak hma he a thi mi, kum-50 tluk nu 3 le kum 13 nu pakhat tlaihhremh a ton hnu ah thah a si lai, ti in zumhmi; an dihlak minung 20 ruak cu kan hmuh, tiah khuachung um mi nih an chim. Meikhangh in thah a tong mi ruak hna zong an pum cik hnu ah meikhangh bantuk in an tak pum hmundang hna in an um.
Ralhrang phu hna nih January 31 ah vanlei in an kah hna caah khua mi cheukhat cu hmundang ah an
zaam i, cheukhat cu zaam manh lo in an um. Ralhrang phu hna an kir hnu February 3, khuachung an kir
ṭhan ah lamkam, burbuk le phung-ki sianginn hmunhma hna ah thah a tong mi miruak le meikhangh in thah a tong mi ruak hna cu khua mi nih an hmuh, tiah theih a si. Cu kong he pehtlai in ralhrang phu hna nih cathanh chuah mi a um rih lo. Thah a tongmi hna leng ah a tlau mi minung 20 hrawng an um rih, tiah khua mi nih an chim. Source: BBC
Pakokko Khua, Anwar Bank Hmai Ah PDF Nih Ralhrang 2 An Kahthah Hna; Pakokko khua, Myoma lam
ah a um mi Inwar bank hmai ah mizapi a chektu hna ralhrang phu cu Pakokko PDF nih tuzan suimilam 6:30 hrawng ah an kah hna i ralhrang palek 2 cu hmunril in an kah thah hna i, 3 cu faak ngai in hliam an tuar, tiah Pakokko peng PDF nih thawng an thanhnak in kan theih. Cu kahdohnak a chuah hnu ah mizapi vengtu ralkap (PDF) pawl cu pakhat hmanh hliam le thi um lo tein hnu an pil kho, tiah theih a si.