Nu-dawk, Pa-dawk pawl nih bohchan ngai mi vialte cu President Trump nih a dawngter dih cang

Uar um tuk hrinhrang. Pathian a bohchan mi, mi ralchia an um bal lo, A pakhatnak ah Pathian hmai kha an zoh peng . November ni 3 ah Election ngei ding a si cang, natein Pathian duh lo ning in thil tuah a tim hrim lo. Pathian duh ning bantuk in Election ah an ka thim than lai, thim tthan lai lo ti lei ruah lo in Pathian bia bantuk in zeitin rian ka ttuan lai tiah Pathian hmai a zoh peng mi a si.

President Trump nih Obama President a si lio ah a thil tuah mi, Transgerdar (Nudawk, Padawk) pawl, American ralkap, sii lei ah usa an sinak vialte Affordable Care Act /protections against gender identity discrimination cu a dawngter dih cang

Barack Obama President a rak si lio ah khan LGBT/ Bisexual/etc an duh caan poah poah ah nudawk, padawk an an nih leh. Mah vialte tuahnak ding caah sii a her mi vialte le tangka a her mi vialte hi Health Care bawmhnak in pek an si tawn. Natein tu cu mah bantuk in nudawk pa dawk ah i leh an duh zong ah a her mi vialte tangka le sii cu an mah pumpak tangka in an tuah cang lai. Cozah lei nih tangka le sii a bawmh ti lai lo

Transgender patients pawl hna usa an si nak vialte cu hlawn dih a si cang lai. Obama-era Affordable Care Act caan lio ah transgender patients insurance policies dawngter a si cang. Obama-era regulation rewrites tuah mi kong ah hin LGBTQ groups, Human Rights group pawl an lungfak ngai. Mahse Obama President lio ah Khrifa/ religious conservative Family Research Council pawl nih Obama thil tuah mi kha an duh lo ngai.

1.5 million Americans Transgender an um, LGBT policy ,UCLA School of Law nih a chim ning ah cun lesbian, gay, bisexual or transgender, hna hi America population ah 4.5% hrawng an um ti a si

LGBTQ hna Military, education ah usa an rak si nak vialte dawngter a si caah zeibantuk harnak a tlung lai tiah thei a si lo. Natein an mah pawl a dirkam tu Joe Biden cu an vote lai ti a fiang tuk cang. Mah bantuk in i thim kum ah President Trump thil tuah mi cu mi tampi nih an thei thiam lo ngai. A vote lo mi an tam ngai lai tiah an ti lio ah President Trump nih Pathian bia bantuk in thil a tuah ruangah zeibantuk dirhmun a phan lai ti cu thei a si lo. Election ah thei a si te ko lai. Source-The guardian

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor