Nupawl caah a herh tukmi, thei dingmi a is caah ka vun tial. It tikah underpants i hrut dingmi kongah mah le duh thim ning a si ko, natein thil tha deuh a um caah mah kong cu ka vun tial lai. Mi tampi nih it tikah Underwear i hrut lo in it hi vulvar area caah a tha, thli tampi a lut i, mah nih cun nu pawl caah a tha tiin an chim tawn, Cun, midang nih underwear i hrut hi nu pawl vaginal caah a tha tiin an tial cang.
Mah underpants nih cun nu pawl private kha a ven tiin an chim than. Mah bantuk a si ahcun
zeitin dah biakhinak kan tuah lai i zeibantuk khi dah kan zum lai ti kha mi tampi lungawk tawn in an um.
Mah kongah Medical lei ah primary care provider Dr. Navya Mysore nih a chim ning ahcun, Dr. Mysore-a chim ning ahcun, atu acungah an chimmi pahnih ah khin a diklo mi a um lo tiah a chim. Na it tikah underwear na hrutmaw hrut lo ti cu nangmah duh thim ning a si lai, Natein a tha bikmi pakhat cu na it tikah loose, cotton underwear i hrut peng law, mah hi a tha bikmi a si aruang cu nau in a veng hlei ah mah a feklomi/ a dor ngaimi (loos) cotton underwear nih na hrut ah cun nu pawl private ah khan thli
tampi a lut kho caah mah nih cun cu pawl private kha a thian ter i, a rim chia dingmi a kham i, nu pawl
zunzunnak (private part) kha a thawnter caah it tikah a loos ngaimi cotton underpants i hrut tawn ding tiin a chim. Cre- 17.com
Kawlram thawngpang…CDF Thantlang Nih Thantlang Sersiam Ṭhannak Le Sak Ṭhannak Kong Ah An Dirhmun An Langhter. Chin ramkulh khualipi Hakha ah SAC kuttang Chin ramkulh uktu, Pu Ngun San Aung hruainak in Thantlang khua sersiam ṭhannak, sak ṭhannak ding le ralzam kir ṭhannak kongkau cu a luancia June 30 ah Thantlang khuanu khuapa cheukhat hna he tonbiaruahnak an rak ngei.
Cu kong he pehtlai in CDF Thantlang nih, SAC ralhrang hruainak in Thantlang sersiam ṭhan ding
le sak ṭhan ding cu kan cohlang hrimhrim lo. Atu lio cu Hramhram uknak a hram bongh ding in mizapi
nih doh cuahmah lio caan a si. Uknak ṭha lo doh caan i khul a nuarh tertu thil paohpaoh kan cohlang lo, tiah cathanh an chuah. Hramhram uknak a dongh tiang doh ding le Federal Democracy phung in kal ding cu CDF Thantlang kan hmuitinh a si zungzal. Mizapi duhnak papek in kan ṭuan lai, tiah an langhter. Cu pinah Thantlang khuachung ah a ummi SAC ralhrang kan thah dih hna hnu asiloah Thantlang
khuachung a him cang ko tiah cathanh kan chuah hlan paoh cu Thantlang khuachung luh rih
lo ding le sersiam ṭhannak le sak ṭhannak kan tuah lai lo, tiah an langhter.
=Matupi ah Major Win Naing Nih Kum (17) Nu A Tlaihhrem! Chin Ramkulh, Matupi Sabawng Sang ah ummi, Kum (17) Nu cu Ralkap Pension cang mi Major Win Naing nih, June 25 chun ah a tlaihhrem tiah theih a si. Matupi Khuami pakhat nih cun” tlaihhrem a tong mi nu i a nu hi April thla ah khan CDM a tuahmi Ralkap kong ah an rak tlaih, cu kong he pehtlai in Major Win Naing nih a fanu cu biahal ding a um tiin an inn chung ah a luh pi i a tlaihhrem hi a si” tiah a chim.
Major Win Naing hi Matupi ah a umnak kum 15 renglo a si. Matupi kong tha tein a theih hngal mi a si i,
Matupi khua ah BeoHaHmu nak in an tih deuhmi a si tiah theih a si. Win Naing cu Pension la cang mi a si nain Matupi ah SAC Ralkap cawlcanghnak poh ah a tel pengmi a si, Matupi khua chung mi tlaihnak poh ah a mah nih a hruai hna, Cun SAC Ralkap he hmunkhat ah rian an tuan peng caah an chungkhar in khuachung ah um ngamlo in SAC Ralkap Camp chung ah an um tiah tualchungmi nih an chim chap. Cre-TcP