Pathian a tha, USA ram khuaci bantuk in a mui mi cu thawngpang a tha chin lengmang cang

Nizan ah White house ah Press Conference an tuah i, President Donald Trump, White House task force Dr.Deborah Birx le White house Press Secretary Kayleigh McEnany nih fianternak an tuah.

White House Coronavirus task force chungtel, Dr.Debrah Birx nih data an laakmi vialte in fianternak a tuah. US ah a thimi an tam nain ni khat hnu ni khat a thimi an zor, sizung ummi an zor. ICU a phanmi an zor, Virus test an tuahmi mi hna million 13 renglo an si cang. State kip ah test an tuahmi hi an milu i 4-8% tluk a si. Ramdang he a thimi tachunh ah [ Minung million pakhat ah minung zeizat a thimi timi ah US cu a niam lei kan si.

Coronavirus ralrinnak kan tuahmi vialte nih khat lei in cumpi tlangrai khuaruahhar in a rak zor ter ve. Social distancing, kut tawl le hmaihuh nih cumpi tlangrai hi tha tuk in a rak khamh khawh timi zong an hmuh chihmi a chim chih. Hmanthlak ah hin data an laakmi ka taar chih. A zuammi nih zoh khawh a si. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor