Phunglam loin US ah a lut mi an tam tuk ruangah Democrat pawl karlakah i thei thiam lonak a chuak cang

Kum 2022 cu Democrat caah thawngchia ngai a si. Joe Biden president a tuan bak in Southern Border lei ah phunglam loin US ramchungah a lut lo mi an tam tuk cang caah an mah liberals pawl zong an lungreithei tuk ve cang. Liberal Media pawl nih US president Joe Biden hi an soisel thangchiat duh lo ngai ton

Heh tiah Biden kong hi an thup i mipi sin ah Biden chiatnak kong an an tial duh lo. Natein atu cu an celh bak ve ti lo si lai.

Washington post nih Joe Biden cu warning bak a vun pek ve cang. Washington Post editorial nih a tial ning ahcun, atu immigration strategy kan hmang lio mi hi US caah a tha lo tuk mi a si.

Southern Border ah phunglam loin mi a rah lengmang mi kan control a si lo ahcun kum 2022 election a rah ding mi ah Democrat pawl caah mangchia a si lai. An sung cik cek lai tiin a tial. Biden administration pawl nih Trump policy hna kha thatein ruat sit set loin Trump policy an thleng lengamng caah atu cu buainak fakpi an tong cang.

Biden administration nih southern Border ah zeihman phunglam an ngei lo i, zeitindah rian kan tuan lai ti zong an thei lo. Kum 10 chungah tuanbia chia bik kan ngei.

Biden administration fel lo tuk ruangah migration, dysfunctionn, disorder central America ah a tlung lio a si tiin a tial.

The washington post nih vice president Kamala Harris cu Joe Biden nih Southern Border cu a kut ah achia, natein a rian tuan ning a chia tuk caah Vice President cu a vun soisel than i. Central America in phunglam loin mipem tampi an rah. An kah lawngin America ah rah hla u ti kha a zah lo. Southern Border ah a rah mi hna khamh an nih tim hna lo.

Mah bantuk in US ramchungah phunglam loin a rah mi an tam tuk mi nih President le Vice President zeihman an si lo ning a langter.

June thla chungah US border ah phunglam loin a rah mi 190,000 an buaipi hna i, July thla ah 210,000 fiscal year an hman lio mi ah 1.1 millions migrants an buaipi cang. Cred-RTK

Kawlram thawngpang..CDF-Mindat le SAC Kahdohnak ah SAC Ralhrang 2 Thi. Nihin (August 14) zinglei sml. 7:00 ah Matupi-Mindat karlak ah CDF-Mindat le SAC ralhrang karlak kahdohnak a chuak i SAC ralhrang 2 an thi, tiah CDF-Mindat nih thawngpang an chuah. Nihin zinglei kahdohnak ah CDF-Mindat lei in hliampu le mithi an um lo.

SAC ralhrang pahnih an thih pin ah minung 4 fak ngaiin an hliamh hna. Nizaan ah Matupi-Mindat karlak meng 13 ah kahdohnak a um i, CDF-Mindat lei in minung 2 hliamhma (fak lo) an pu.

Yangon Tlanglawng Cung ah Palik 4 Meithal in an Kah Hna.. Nihin zaanlei sml. 5:00 hrawng ah Yangon, Insein lei ah a kalmi khuaveltu tlanglawng cung ah SAC palik paruk meithal in kah an tong i pali an thi.
A thimi palik 4 ruak cu Kyihmindaing tlanglawng dinhnak hmun ah SAC nih an lak hna, tiah khuami pakhat nih a chim. A thimi palik 4 i an meithal pawl cu a kaptu mibu nih an lak i an i kalpi. Cre- The Chin Journal