President a soisel caah amah lilah mual a pho tthan. Trump nih Nancy Pelosi a ti ning cu a fak tuk deuh lo maw?

Nancy pelosi nih President Trump a soisel ning le a thangchiat ning hi cu a mak tuk hrinhrang cang. Mah bantuk in ram hruaitu President a si mi, a tangah sibawi tha tha nih an ven peng mi le an zohkhen peng mi, mah bantuk in a soisel i a thangchiat cu a mak tuk cang. President Trump nih fiangte in a chim ko, amah nawl in mah sii hi a ei mi a si lo, a tangah sibawi thiam nih an chim ning tein a ei mi a si ti a chim cang.

President Trump nih hydroxychloroquine a ei tawn ti a chim mi ruangah fakpi in soisel le thangchiat a si. Nancy Pelosi zong a sum khoh ve ti lo i, President Trump cu fakpi in a rak soisel ve, “Kan President cu a si ko i, kum 73 leng a si cang mi nih, mah bantuk in sii ei cu, Hruhnak pakhat bak a si cang tiin President Trump cu fakpi in a soisel.

President Trump nih Nancy Pelosi bia chim mi cu a celh ti lo ruang si lai, fakpi in a phomh ve i, “Nancy Pelosi hi nu tlamtling lo mi, lungthin a hmang ti lo mi a si. Mental problems ruangah mah bantuk bia hi a chim mi a si. Ka sibawi nih hydroxychloroquine hi COVID-19 lakah i ven nak caah ei ding in a ka ti mi a si. Pelosi nih buainak tampi a ser, buainak a chuahpi mi a tam tuk cang caah a hrut cang lai hi. Hydroxychloroquine hi kum 65-70 leng malaria, lupus zohkhennak ding caah sibawi pawl nih an rak hmang cang mi a si tiin Nancy Pelosi cu fakpi in a soisel. President Trump hi hydroxy ruangah sibawi tampi le Democrat pawl nih an soisel

White House Press Secretary Kayleigh McEnany nih a chim ning ah cun ” President Trump nih hin a ngandamnak kongah zeihlam thup a tim lo, Sibawi pawl nih a her an ti mi pawl cu al lo in a tuah thluamah mi a si. A hman mi ah cun zeihman thup ngei a tim lo mi a si ttin ” Fox & Friends sin ah a chim

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor