President caah thawngchia bak; New York Prosecutor pawl thil tuah mi cu. Trump thinhun tak tak

Mah bantuk in USA mipi caah rian a ttuan lio ah le, lakha fangkhat hman lak a duh lo lioah a ral a si mi nih mah bantuk in a cungah thil an tuah lengmang mi cu President Trump caah cun celh ding si lai lo hi

Nikhat ni ah New York prosecutors pawl nih President Trump le a chungkhar hna tax returns thei duh ruangah fakpi in an cawlh cang. Mah kong hi President nih a vun thei bak in a thinhun a celh lo caah fakpi in a zai ve

Manhattan DA Cy Vance nihkum 8 chung Trump Family Tax returns theih duh in thil tuah lo ding mi tiang an tuah. President Trump nih “Witch hunt dang a chuakhoi cang’ a ti piak hna.

Trump nih Democrat pawl nih impeach tuah an nih tim lio ah an rian ttuan ding le impeachment an tuah khawh lonak/ Special Counsel Robert Mueller’s investigation a tlamtlinglonak kong chim i,  “Democrats pawl nih Muller investigation ah teinak an ngah lo, stage game dang dang an kawl, natein an tlamtling bal lo.

Democrats nih mah bantuk in keimah dohnak caah rian an ttuan tawn mi hi ka thei lo mi tampi a um, ka thei lo mi pawl a tam tuk, Witch hunt an ngei tawn mi cu a luangcia ah khan a thi dih cang ”

Manhattan prosecutor  nih Trump Family tax returns thei a duhnak ruang bik cu Trump Organization nih a luancang mi kum tampi ah dik lo ngai in rian an rak ttuan ning thei ka duh caah a si tiah a chim

Manhattan District Attorney District Attorney Cyrus R. Vance, Jr nih hin Republican president´s personal & corporate tax records hi a duh ning bantuk in a ngei khawh lai maw ti cu tu lio USA mipi nih an zoh mi le thei an duh ngai mi cu a si. Credit- Washingtonpost

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor