President Joe Biden admin cu a buai ngai ko ruah?

US President Joe Biden admin cu an buai ngai ti a fiang, an bia le hla a khat lo mi a tam tuk caah mipi lei zong an lung a tling lo ngai. Senior ISIS-k operative ah minung 2 an thi, Kabul suicide bomb ah mi 200 hrawng an thi i US lei 13 thinak ruangah US nih Drone Strike hmangin ISIS-K hna cu Drone hmangin a phomh hna i minung 2 an thi.

Biden administration nih a langter ning ahcun IS mi 2 an tha mi hna hi motor cycle an nih cit lio ah an tha mi hna a si tiin an langter

Jalalabad Nangarhar province, Pakistan border pawngah MQ-9 reaper drone Missile Strike hmang in mah ISIS-K minung pahnih hi tha an si.

Defense chiefs pentagon nih ISIS-k an tha mi hna hi an min le zeibantuk in ISIS-k chungah an dirhmun a si ti fiang tein a langter duh lo. Suicide bomber mi tampi thinak ah tuanvo latu an si ti lawngin an langter. Mah bantuk in ISIS-k pahnih an that mi min an langter duh lo ruangah mi tampi nih ceilak in an soisel thangchiat hna i mi tampi nih an zum ti hna lo

Defense Chief nih Nangarhar province Pakistan border pawngah ISIS-k thil zeimawh tuah a tim mi an um?

ISIS-k pawl nih kabul Airport cu suicide bomb hmangin doh an nih tim ti intelligence report an thei cang mi, mah bantuk in mi tampi thinak le US ralkap minung 13 thinak a tlung hlan ah,

zeirungah dah ISIS- k pawl nih suicide bomb blast an tuah hlan ah ISIS-k pawl hna hi an tuk lo tiin bia halnak tampi US mipi nih an ngei. Mah kongah Biden Admin cu press conference ah US Media pawl nih bia halnak an tuah poah in a let duh hna lo i, a kal tak lengmang caah US mipi an thin hung ngai tawn. Cred-RTK

Kawlram thawngpang…Social media ah Commando thuam le meithal he a hmanthlak a chuah hnuah Ayeyarwaddy ramthen vuancichoh hlun

Man Gaw Ni inn cu ralhrang le palek nih an luhhnawh i mawtaw pakhat le phone 3 an tlaihpiak tiah theih a si.

Man Gaw Ni inn hi nizaan zanlei sangah Cungpyaw khah-mah-yah (36) in ralhrang cheukhat le palek, dalaan hna telin 20 hrawng nih an luhhnawh i Harrier car pakhat le a chungkhar hna phone 3 an tlaih piak tiah an chungkhat nu pakhat sin in theih a si.

Mawtaw an tlaih piak lio ah an hruaichih mi a fapa cu an thlah cang nain, a chungle vialte khua zeihmanh ah nan chuak lai lo,

chuah nan duh a si ahcun thawng nan kan thanh lai an ti hna.An inn pawng Narzaret RC biakinn zong ralhrang nih an zohfel tiah theih a si.

Cungpyaw ah kan hnu zarh hrawng in ralhrang le palek nih chekhlatnak a thar in an tuah than. Khuachung le khualeng chuahnak lam hna ah minung, cycle zong an chek ngai tiah khuami nih an chim.

Kum 80 a si cang mi U Man Gaw Ni hi NLD party aiawh in 1990, 2012, 2015 le 2020 kum thimnak ah teinak a hmuh mi a si i, 2018 January 9 tiang Ayeyarwaddy vuancichoh rian a tuan hnuah a din i, 2020 thimnak ah house of nationalities member ah thim than a si.

Man Gaw Ni hi ralhrang nih uknak a lak thla 7 nak ah ralhrangbu do dingin raltuk ka cawn lio a si. Mipi hi a biapi cem mi a si, Mipi thazaang he a si ahcun zei paoh tei khawh a si. Kan tei lo ahcun an kan tei lai, kanmah nihcun kan doh peng ko lai tiah a chim. Ref; Myanmar Now