President nih an rak tuah duh lo mi Trump nih a tuah hoi cang; Nu pawl caah thawngtha bak si

Trump thil tuah mi hi mainstream media pawl nih an tial peng natein soisel le thangchiat nak lawngte an tial caah, Trump thil tha tuah mi hi thei ding a tlawm ngai. Mah Chinage ah hin US thawngpang 4/5 ka ttial peng caah US thawngpang na rel duh ah cun like/follow vun tuah ve law, US thawngpang 4/5 ni fatin na rel khawh peng lai tinak si

Nu pawl vote an ngei khawhnak ding caah lam a ser hmasa bik nu Susan B. Anthony cu President Trump nih a ngaithiam. Mah bantuk in President Trump nih Anthony cu a ngai thiam caah mi tampi nih Trump an uar ning le US ram caah le nu pawl caah a rian a ttuan ning an uar ning fakpi in an ua pi

Democrat/lettis/liberal/media pawl nih nu pawl caah tih nung tuk mi President a si tiah fakpi in an rak soisel le thangchiat tawn mi.  Nu pawl zei a rel lo tiah an langter tawn mi cu a dik lo ning fiangtein a vun langter thluamah cang.

President Trump nih nu pawl caah fakpi in rian a tuan peng i,   Forbes nih alangter ning ah cun  Trump nih hin President office ah nu 100 leng rian a ser piak cang hna tiin

US Ambassador 50 leng a ruat cang hna. Air Force Secretary ah nu hotu ah a ruat, cun, Defence hruaitu ah nu tampi a ruat hna, cun Judges ah nu 44 a ruat cang hna, Mah lawng hi si lo in, atu hi nu 45 leng hna cu US cozah rian ttuantu ding in a thim cang hna, natein senate cohlan/pawmpi nak nghak lio a si

US ttuan bia ah philh khawh lo ding mi cu Susan B. Anthony  hi a si. Aruang cu, Susan Anthony hi nu lei in vote a thlak hmasak bik a si. Pa pawl nih vote an thlak bantuk in nu pawl zong nih vote kan thlak ve ding a si tiah fakpi in a rak aupi tu kha a si.

US nupawl vote an ngei khawhna ding caah lam a ser hmasa bik tu, kum 1872, President thimnak ah vote a rak thlak ve caah an tlaih i, thiam lo an coh ter hnuah tangka tampi an liamter.Hi can lio ah hin nu pawl vote thlak duh pa pawl nih an rak duh lo ngai mi a si

Mah nu hi mipa pawl biaceinak (jury) ah thiamlo an cohter nu kha a si. President arak si cang mi nih an tuah duh lo mi cu President Trump nih a ngaithiam (pardon) cang. Mah bantuk in nu pawl caah rian a ttuantu hi President pakhat nak a si lo ah cun top 3 ah a um lai ti a si

US ah hin nu pawl nih vote an ngei khawhnak ding caah kum 1919 ah upadi cu serthan a si. Democrats Congressman 17 nih nu pawl vote an ngei ding mi cu an duh lo, cun Democrat congressman  9  nih vote an thlak duh lo. Republican minung 36 le Democrat 20 nih upadi cu an ser tthan i, mah hnuah cun US nupawl zong nih President thimnak ah vote an thlak ve cang. Credit- Ricky L. Colney

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "President nih an rak tuah duh lo mi Trump nih a tuah hoi cang; Nu pawl caah thawngtha bak si"

Leave a comment

Your email address will not be published.


*