President Trump a tanh (Support) mi vialte Ventilator hmang hlah u, Va i pum ulaw va thi dih ko u- Laura Krolczyk (New York, Hospital Executive)

USA ram nih mah bantuk dirhmun; ngaihchiatnak le lungretheihnak caan a tawn lio ah mah bantuk in bia chim cu, A bia chim mi cu a fak tak tak celh ding si lo, a tangah vun rel chap hman, zeibantuk in dah Trump hi a huat i a duh lo ti a langterning cu thil thalo tuk mi a si!! USA cu politic ruangah President Trump a tanhtu minung hna cu va thi dih u tiang a ti cang.

New York-Hospital Executive Laura Krolzyk nih “Trump  tanhtu (Supporters) vialte hna cu Ventilator hmang hla u, Coronavirus kai dih hna seh, Cun Biak inn khat i va i pum hna se law, Coronavirus i chonh dih hna seh” cun an dihlak in va thi dih hna seh a ti ruangah a rian in ngolterh a si. Liberal pawl le Democrat pawl hna lungput hi ttih nung tak tak a si. Mah bantuk in minung a si ve mi, va thi dih hna seh tiang ti cu a poi tak tak.

Healthcare workers vialte hna cu an rianttuannak (Service, Mission oriented) ruang ah kan upat hna ding a si. Mi vialte nih kan upat hna. Natein Laura bantuk minung ruangah midang an rian ttuan ti hoi tiang ningzaknak le soiselnak tiang an tawn tawn mi a si. Atu bantuk caan lio ah cun cun politic thil thalo kha a um ding a si lo, mipi vialt rian ttuanti caan a si. Aruang cu mah zawtnak nih hin democrats pawl le republican pawl kha a theih lo. i ralrin cio hna u sih. Ref- Daily Mail

Ramkulh Cozah nih Chinram chung COVID-19 i runvennak ca ah peng kua chung sing 20 cio bawmnak pek timh>>>> Chin Ramkulh Cozah nih Chinram peng kua chung COVID-19 i runvennak ca ah tiin Myanmar tangka sing 20 bawmhnak a pek lai tiah Minister Pu Pau Lun Min Thang sin kan theih.

“Chin Ramkulh i peng kua chung ah COVID-19 i runvennak ca ah tiin Ramkulh Cozah nih sing 20 cio pek ding in biachah nak kan ngei. Hi tangka hi Peng kip i cozah he pehtlai in runvennak committee a dir mi sin ah kan pek hna lai. Cun, hi tangka hi Ramkomh cozah nih COVID-19 ca ah 1Billion Budget an kan pek mi chung si loin kanmah Chin Ramkulh cozah tangka sing 1000 chung in kan pek mi hna a si,” tiah  a chim.

COVID-19 in kan i runven, kan i khamh khawh nakhnga ca ah tiin a peng in siseh, a khua in siseh, zatlang bu in siseh, mino lei in siseh Committee dir cio a si. 2020 April 1 tiang ah COVID-19 in Myanmar ram chung ah a thi mi minung 1, zawtnak hrik a ngei mi minung 15 an si cang tiah kan theih.

Cun, Ramkulh Ngandamnak Zung Lutlai Dr. Aung Ngwe San nih “Committee hi Cozah lei lawng si loin khuachung mino siseh, zatlang bu in siseh dir kho ulaw ti ka duh. A ruang cu kanmah Cozah lei nih cun khuachung ahhin kan i choklet tuk kho lo i, thil sining hi kan thei thlu kho lo. Committee nan dir tik zong ah Cozah he pehtlaihnak hi tuah kho zungzal uhlaw a tha. Kan i bawm cio hna lai, kan tuanti hna lai,” tiah a chimchap.