President Trump an tuah ning hi cu zaangfah a si bak. Republican in US President 43 a si mi le Senator nih kan vote lai lo an ti

President Trump an doh ning le an tuah ning hi cu zaangfah a si tak tak, mah bantuk in USA ram caah rian ttuan i, lakha fangkhat hmang a lak duh lo mi, mah bantuk in doh le soisel cu zeitluk in dah a fak lai

The New York Times nih a langter ning ah cun November ni 3, US President election ah President Trump supporter pawl nih “Four more years ” tiah fakpi in an au pi lio ah, America’s 43rd president George W. Bush nih cun Republicans President a si lio mi President Trump cu Mee ka pek lai lo a ti ati cang i, mah lawng si loin Jeb Bush le Senator Mitt Romney zong nih Joe Biden vote an nih timh ti bia le hla a um tiin a vun ttial

Natein Senators Ted Cruz & Lindsey Graham pawl nih cun President a si lio mi Trump vote an nih tim ttin a ttial (The New York Times hi Anti Trump media a si, natein vawlei cungah media larngai mi a si) . President Bush nih hin voikhat hman President Trump a duh lo ning a chim bal lo. President Trump impeachment trial an tuah lio ah khan voikhat hman Trump lei ah dirkamnak bia a chim bal lo.

Republican former Speaker Paul Ryan & former Speaker John Boehner nih an vote ding mi tu tiang an langter lo, Republicans chungah hin Party divisions tampi a um ti a fiang ngai cang

Bia le hla tampi ah cun GOP chunga Anxiety tampi a um, a ruang cu President Trump nih Coronavirus kong ah a rian ttuan ning le George Floyd death response kong ah Senators pawl hmuh ning le ruahning a khat lo ngai. Senate ah majority 53 Republicans, 47 Democrats an um. Polls Arizona, Colorado, North Carolina & Maine ah Joe Biden nih poll ah President Trump a tei ngai.

Senate Majority Leader Mitch McConnell, Kentucky Republican nih cun college graduates le nu lei ah fakpi in rian ttuan hi Senate Majority ngei nak ding caah lam tha bik a si ttin a chim. Republicans chungah swing voters a um sual lai ti an tih ngai, GOP Party divisions a umnak ruang bik cu retired Marine General James Mattis, Trump’s former secretary of defense, nih oped ah , Trump doh le soisel zongin Exercise authority a hmang sual ti a vun ttial caah a si. Source- New York Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor