President Trump bia chim mi cu a tha tuk hrinhrang ee. laimi/Chinmi Trump a doh mi cu Jesuh a doh mi an si cang ko hi

US-ah COVID-19 zawtnak ruangah mi 22,115 an thi cang. A damlo mi hi 560,433 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si.

Trump nih a chim mi, mi nih an uar ngai mi le duh ngai mi bia cu, “USA nih mah bantuk in coronavirus ruangah buainak kan tawn lio zongah kan nih cu Pathian lei ah kan kir i, Pathian hruainak, hnemhna le ruahchannak a ngei mi kan si. Mah bantuk caan har lio ah hin Pathian zumtu caah tete muru bik dawtnak, zaangfahnak, hiraltthatnak, siannak le America mipi zawnruahnak hi a lang awk a si tiin a chim. Jesuh zong nih thinak a tei bantuk in kanmah zumtu zong nih mah bantuk caan lio ah harnak, sifaknak, buainak vialte hi kan tei awk hrim a si.

1 Petera 4:10  Pathian laksawng kengtu tha bantukin Pathian sinin nan hmuhmi laksawng kha midang ca thatnak ah hmang cio u” ti hi USA mipi sin ah a chim. USA zumtu vialte hna mah bantuk caan hartuk mi kan tawn lio ah hin khrifah kan sinak muru kha phil hla u tiin USA zumtu sin ah bia a ca hna….

Declaration of independence- New York Governor Cuomo le Governor dang 5 cu an state chungah COVID-19 ruangah  a thimi an tamtuk cang caah thanchiat le soisel ngai an si cang.  Zeitindah USA state chungah rian hi onh than a si lai tiah ceinak an tuahnak ah an mah paruk hi hmunkhat ah an dir ti.

Federal government / Donald Trump meetingnak kal lo ding in an nih tim cang. Democratic governors 6 : Delaware, Pennsylvania, New Jersey, New York, Connecticut & Rhode Island hna nih an state chungah a dang in ‘Covid corridor’ ti an dir cang caah, Multi-state database, COVID-19 information share an ngei cang lai i, an state chungah reopening plan zong an mah nih in tawrel ding in rian ttuan an nih tim cang

Phunlam ah cun America Reopen  cu President Trump tangah a um mi a si, President nih a caan a zah a ti tikah a tuah ding mi tu khi a si, natein Governor 6 nih hin ‘COVID corridor’ a dir cang i, an state chungah mipi nih rian an ttuan than khawhnak kong cu an mah nih  duh ning bantuk in an kal pi lai. Mah Democrats Governor paruk ah an hruaitu bik  New York Governor Cuomo nih a chim mi cu, “COVID-19 ruangah mah le state lockdown tuah ding mi cu President nih kanmah nawlngeinak ah a chia cang.

Kan hermi thil a dihlak  zong kan mah tein kan tawrel mi lawngte a si. Disaster Emergency kan tawn lio zongah a dangin manager dang zeihman a um lo. President nih management model a thlak duh ah cun a thlak khaw, America President a si caah, Mah State Governor paruk hna hi Coronavirus ruangah an buaituk cang caah mah bantuk in an mahtein rian ttuan an nih tim mi a si.

 

 

 

Be the first to comment on "President Trump bia chim mi cu a tha tuk hrinhrang ee. laimi/Chinmi Trump a doh mi cu Jesuh a doh mi an si cang ko hi"

Leave a comment

Your email address will not be published.


*