President Trump le WHO an buai chin lengmang; WHO nih China lungretheinak a pek ve cang. China a lungtlinlonak a chim

President Trump nih coronavirus cu Wuhan laboratory in a chuak mi a si ti tehteh ka ngei tiah a chim. WHO nih cun Coronavirus hram/origin ah China nih dothlatnak/investigation a tuahnak ah kan nih tel ve lai, te ve kan duh tiin an chim. China nih WHO, UN Agency hi an sawm lai maw ti cu thei a si lo. President Trump nih China cu $1 trillion Tarrif cu miak a tim tiin a chim.

US intelligence pawl nih Coronavirus hi minung nih an sermi a si lo ti le laboratory ah genetically modified a si lo ti an zum cang. WHO spokesman Tarik Jasarevic nih cun Chinese scientific research ah tel an duh tih a chim i : “WHO hi international partners, China cozah nih Coronavirus hi saram (animal origins) in a chuak mi a si mawh ti dothlatnak ah a kan sawm ve hrim ding a si ti ruahchannak kan ngei tiah a chim

US nih China dantat khawhnak ding lam a kawl cang i, Tarrif hmangin China hi hrem a si lai maw “SOVEREIGN IMMUNITY”  phih piak an si lai.   George Sorial , Trump Organization top executive a rak si tawn mi nih, The Washington Post a chim ning a cun, White House officials nih Coronavirus ruangah US nih a sung mi a tamtuk cang caa “China’s sovereign immunity” tlawmter an duh, cun US cozah nih China cu dantatnak a kal pi khawh cang lai tiah a chim

Source in Reuters a chim ning ah cun State Department, White House National Security Council, Treasury Department & Pentagon nih lam (Options ) an kal cang tiin a chim, Sourc dang ah a lang ning ah cun President Trump ruahnak an cheu cang/advice tiin an ttial

Spokesman for China’s Foreign Ministry nih US cu fakpi in a phomh ve e, ral cu China kan si lo. Virus tu hi a si. Dantatnak maw hremnak pek nan tim mi kong hi ka rak chim bantuk in zeihman  international precedent a um lo. Mi thatna hmuh piak lo in soisel le thangchiat hi zeihman thahnemnak a um l ttin a chim

President Trump nih China bia chim mi hi a zum kho hrim lo i, Mah zawtnak kongah bia le hla/theories a tam ngai . Scientific people, intelligence people le midang dang nih mah kong hi dothlatnak an tuah lio a si i, thil dik le hman mi cu a rau hlan ah thei cawlh a si cang lai tiah a chim

The WHO’s Europe director nih cun Europe ram dang dang nih lockdown an kal pi mi an loose deuh ruangah ralrinnak a pek hna i, Coronavirus hi a ra tthan khawh mi a si. Sii hmuh hlan ah cun voih 2,3 zong a ra tthan khawh mi a si. Vawleicung ramkip vialte a hlan bantuk in nan um kho lai lo. cucaah ralrin tein um i zuam hna u si. Ralrin tein kan um lo ah cun a ra than lai i kan tuar tuk cang lai tiah ralrinnak bia a chim

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor