President Trump nih a lawmhnak bia a chim (Thlacam a rak cang mi cu Pathian nih a phil lo) UK ah suimilam 24 ah 953 an thi

UK Prime Minister Boris Johnson cu ICU ah chia a si, natein atu cu a dirhmun a tha ngai cang caah ICU in chuah a si cang. Mah thawngpang hi President Trump nih a vun theih bak in lunglawmhnak twitter le facebook ah a ttial cawl.

Boris le Trump hi hoikawm tha an si caah UK PM Boris cu coronavirus a ngei ve tiah a thei bak in President Trump cu alungrethei ngai i, USA mipi hna cu Boris caah thlacam piak ding in a sawm hna. Boris Johnson hi ICU in a chuak lio ah Siizung ah rian ttuantu staff pawl zong “HI” a ti khawh cang hna i. ICU in a chuah bak in a darling a fa pawi lio mi Carrie Symonds cu phone in a chonh cawlh.

 

UK ram hi a thimi an tam thluamah i, tuni suimilam 24 ah khan minung 953 an thi. Italy bantuk an si cang. Athimi an tam thluamah cang i, atu hi  8,931 an thi cang, England ah 866 !! an thi, Scotland, Wales & Northern Ireland ah  87.

Hakha Peng chung tiva ah tikholh, ngadawi le picnic tuah lo ding in khap…….Hakha Peng chung tiva ah tikholh, ngadawi le mibu in picnic tuah lo ding in Hakha Penguk Zung nih 2020 April 6 thok in  a kap, tiah theih a si

COVID-19 i runvennak ah Chin Ramkulh Cozah nih 2020 March 24 thok in mibu in thutdir le tlawngleng lo ding in cathanh a rak chuah. Cun, 2020 April 6 ah Hakha Penguk Zung nih cathanh a chuah than mi caang (c) ah, nuamhhnihnak kong he pehtlai in mibu in thutdir le nuamhnih lo ding, Hakha Peng chung tiva ah tikholh, ngadawi, picnic le mibu thutdirnak ah nuamhhnih lo ding tiah cathanh an chuah.

 Hi kong he pehtlai in Hakha Penguk Zung lutlai U Myint Oo nih, “COVID-19 zawtnak kan i runven khawh nakhnga tiin mibu in thutdir le tlawnlen hi khap a si. Atu bantuk khap lio caan ah tiva kuang ah a phu le a bubu in an kal i, tiva kuang ah an khat tiah kan theih. Hi bantuk thutdir hi cu a that lo ca ah kan khap mi a si. Cun, hmun khatkhat ah va kal i, a bu in nuamhnak  tuah tibantuk zong tuah lo ding.

Cun, khuate lei khuabawi sin zong ah thawng ka thanh hna i, nan khua le nan ram cio tiva ah a rak ra mi an um ahcun nan khap hna lai ka ti hna,” tiah  ah a chim. Atu lio hi, thaal a si bantuk in  mibu thutdir zong khap a si ko nain  mi tampi cu, a phuphu le a bubu in tiva ah ngadawi le nuamhnak tuah tibantuk an tlawngleng hna. April 4 (cawnnirukni) hna cu Hakha Timit kuang ah minung an khat, tiah theih a si

Be the first to comment on "President Trump nih a lawmhnak bia a chim (Thlacam a rak cang mi cu Pathian nih a phil lo) UK ah suimilam 24 ah 953 an thi"

Leave a comment

Your email address will not be published.


*