President Trump nih China dantatnak ding caah min thutnak atuah hoi cang

An buai chin lengmang cang, thawngpang ngai a nuam chin lengmang, zeibantuk dirhmun dah vawlei nih kan phan lai ti thei khawh a si ti lo. China le India fakpi in an buai, India le Nepal ramri kongah fakpi in an buai lio si hoi. China le, USA, Hong Kong, UK, Australia, buainak lawngte si ko. Jesuh a rah dengmang cang, Pathian fa hna ralrin teiin timcia in um caan a si cang

US President Donald Trump nih cun China cozah nih Uighurs Muslim pawl cungah thil a tuah ning le a zohkhen ning a that lo tuk ruangah China cozah official pawl dantatnak ding caah Uighur Human Rights Act cu President Trump nih a pawm cang

China nih miphun tlawm mi pawl a hlei in  Uighurs Muslim- pawl a zohkhen ning cu Human Rights a buar tiah chim a si. Mah kong hi US Congress-ah zong Sanction law rak pawm a si cang. Mah upadi hi China nih miphun tlawm le a hlei in Uighurs Muslim pawl cungah a thil tuah ning le a zohkhen ning a that lo tuk caah China cozah official pawl dantatnak ding caah a si lai tiah President Trump nih a chim.

Mah upadi hmangin China ram cozah official pawl sin ah miphun tlawm le Muslim pawl cungah thil thalo atuah mi cu dothlatnak tuah an si lai i, an thil ngei mi tangka vialte cu USA cozah nih tawn khawh lo in dan a tak hna lai i, cun USA ram chungah luh khawh lo ding in a tuah hna lai. Source-CNN

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor