President Trump nih Coronavirus le ralkap kong a chim mi cu hna angam tak tak; Pathian a bohchan mi cu mah bantuk ding hi si

Coronavirus ruangah vawlei cung ram vialte lakah a buaibik ram a si mi United State of America President  Trump nupa hna cu America’s war ah a thi mi pawl hmaizah, upat peknak cu Arlington National Cemetery, ah an ngei . Tomb of the Unknowns (Ral lio ah a thimi a ho ti thei lo mi an phumnak thlan) ah pangpar an chia. Mah ceremony hmang ding in Washington in Baltimore ah a nupi le a rian ttuanti hawi le he an zuang. Military honor guards he President upatnak pek a si,  Vice President Mike Pence le Pentagon chief zong an nih tel ve.

Cabinet members ah Treasury Secretary of State Steve Mnuchin & Secretary of State Mike Pompeo zong an nih tel ve. Daitein 21-gun salute pek a si lio ah an dir. Mark Milley, chairman of Joint Chiefs of Staff, Defense Secretary Mark Esper le Space Force officials 2 hna cu a voikhatnak caah an nih tel ve

Arlington National Cemetery ah hin unknown (theilomi) service members thlan lung he, 228,000 headstones a um .

Trump nih back-to-back Memorial Day appearances, hi Virginia & Maryland, ah a tel pi hna. President Trump “America ram caah ralkap, mah le nunnak a pek mi hna hi philh ni an um ti lai lo. America flag hi an mah pawl caah zar peng a si lai. American military pasaltha hna hi America le vawlei cung nih a thei peng hna lai. Zeibantuk ral le zeibantuk minung nih America ralkap pasaltha hna hi an tei bal lai lo. Virus zong kan tei lai i, America hi a dir tthan lai ” Source- Fox

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor