President Trump nih minak pawl kong ah Joe Biden cu mual aphoter bak ko

Ngai a nuam chin lengmang  cang. President Trump nih Joe Biden cu ceilak in a phomh. Kum 40 chung ah minak pawl caah rian na ttuan mi nak in kum 4 chung in ka rian ttuan mi a tam deuh. Mah kum 40 vialte kha USA ram le minak pawl caah zeidah na tuah? USA Presidential race a nai thluamah cang i, thawngpang thei ding mi a tam thluamah. November ni 3 ah USA mipi nih President caah an duh bik mi cu an thim cang lai

Coronavirus ruangah Election caan hi thawn a si a si kho men tiah ruahnak tampi a um, natein President Trump nih November ni 3 cu President thimnak caan a si lai, thawn ka tim lo tiah fiangtein a chim cang. Republican le Democrats pawl cu campaign tuah ding in hramthawk an nih tim cang.

Polls zong tuah thluamah a si cang i, Poll ah President Trump cu a hniam chin lengmang cang ko. Poll hmahnung bik ah khan 7 point in Joe Biden nih a tei. Natein poll hi cu zum ding a si lo ti fiangtein thei khawh a si, a ruang cu kkum 2016 lio President thim lio ah khan Hillary nih President Trump cu a tei cik cek. Natein Trump cu President caah thim a si ko.

Tu dirhmun zoh ah cun President Trump cu ral tampi a ngei lio a si i, Democrats pawl nih Russiagate, Ukrainegate, Coronavirus, Black Live Matters hna hi Trump dohnak ding caah fakpi in an nih tlaih lai caah. Mah lawng si lo in Pathian nih a duh lo bik mi Nudawk padawk pawl, Obama nih usa a rak pek ngai mi vialte kha a dawngter dih hoi cang caah President Trump caah cun Pathian lawng i bohchan ding a ngei ti khawh a si cang

President Trump nih Joe Biden cu ceilak in aphomh tthan i, Minak pawl caah kum 40 chungah ah zei thil tha na tuah mi a um maw? Joe biden kum 40 minak pawl caah a rian ttuan mi nakin kum 4 chungin minak pawl caah ka thil tuah mi a tam deuh tiin a chim. Joe Biden hi zeihman thiam mi a ngei lo, Trade deal ah si seh, raltuknak ah si seh, a thil tuah mi a tlamtling mi zeihman a um lo tiin a phomh. Credit-Twitter

#“I’ve done more in less than 4 years than Biden’s done in more than 40 years, including for Black America,” Trump tweeted on Monday.

“Biden has been a part of every failed decision for decades. Bad Trade Deals, Endless Wars, you name it, he has shown a complete lack of leadership.”

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor