White house coronavirus taskforce hna nih US on thannnak zulhphung “Opening Up America” timi dot thum in a chuah. Phase one, Phase Two le Phase Tree” in a dotdot in chuah a si. Mah guideline ahcun Virus a thawh than lonak dingah zulh phung tha tein atel cangmi a si. Mah ning tein on than colh i, US sipuazi zong huansam tein a tungmer than lai tiah White House nih an zumhning asi.
US cu federal state in a ukmi ram kan si caah, state cio on thannak nawl cu President Trump nih state cio Governor pawl a pek hna. Governor chungah hin democrats le Republican party in an um cio tik ah Republican governor pawl nih hin White house taskforce hna nih an sermi guidline ning tein on an duh, asinain democrats governor pawl nih cun atu nak sau deuh in phihkhar i, Lockdown zong rengh deuh an duh.
Mah ruangah President Trump le democrats governor pawl nih an ukmi state cheukhat ah i hnursuannak a chuak i, Michigan, Minnesota, Virginia ah on than dingah sandah piahnak a chuak. New York le Chicago ah President a duh lomi hna nih sandah an piah hnawh ve hna. New York khua i, Trump International hotel hmai ah ser chommi miruak tam nawn cu sandah piahtu pawl nih an va pon hnawh hna.
President Trump nih State 29 ahcun a dot khatnak on dingah timhtuahnak an ngei cang tiah nizan press conference ah a chim. An on ding a ni taktak cu state governor cio nih an thanh te lai. New York cu May 15 tiang lockdown a si rih lai. President Trump nih small business bawmhnak caah a chuahpi mi $250 billion democrats pawl nih small business he pehtlai lem lomi ca zongah telh chih an duh caah tuchun tiang an pass kho lo. Small business pawl hi US sipuazi nunnak caah a thahri bantuk a si” an ti. Tuan deuh i chanchuah zau lo ahcun 70% cu an thi thai lai tiah zumh a si.
President Trump nih democrats pawl cu coronavirus hi politics tuahna caah hrimnam pakhat bantuk in an hman. White house taskforce nih on dingah guideline tha tein sermi chung in a dotdot in on khawh dingmi a si nain an herh lo tiang in an reng hna i, lockdown an tuah chinchin tiah soisel ve hna.
US sipuazi cu vawleicung ah a tha bikmi a si caah sau tuk lockdown tuah ahcun a thi thai lai ti hi President le white house hna nih an phan bikmi a si . Tuluk cozah nih coronavirus hmang hi US sipuazi thlak a kan timhmi a si tiah an ruah fawn.- Salai Lairamthang
Be the first to comment on "President Trump nih USA mipi caah thil a tuah mi le a bia chim mi cu lunghmui tuk ee!!! Pathian a bohchan mi President a si ning a lang thluamah ko ee"