President Trump nih USA mipi singah lunglawm bia a chim cang

President Trump bia chim mi cu lungthin a tei bak ko. Media pawl nih lih le hrokhrawl hmangin a cungah thil an tuah ning vialte zoh ah cun zaangfah a si tak tak, mah bantuk in ram caah rian a ttuan mi cungah thil an tuah mi hi cu Pathian zong nih a cohlan piak hna lai lo.

President Trump nih a chim ning ah cun “Coronavirus ruangah America nih caan saupi buainak le harnak kan tawn. Minung 119,000 leng an thi cang. Natein mah minung 119,000 a thi mi hna hi kan philh hna lo. Mikip nih kan tuar dih. Natein America mipi i peknak ruangah Economy zong a that chin lengmang cang

Thla 5 chung bak kan tuar cang. Natein America mipi hna cu kan tan ti, Mah bantuk in America mipi nih lungrual tein kan ttuanti caah nan sin ah lunglawm bia ka chim. America hi a thancho thluamah lai, a hlan nak in kar kan hlan chin lengmang lai

Tulsa Rally a ngei mi cu fakpi in soisel le thangchiat a si. Bruce Hart, Tulsa’s health chief, rally ding mi hi super spreader’ event ah a chang sual lai. President Trump “Rioters & Looters pawl hna cu Democrats nawlngeinak state ah mah bantuk in lengah an chuak i, an duh poah an tuah, Buainak an ser.

Covid problem kong pakhat hman an chim lo. Rally ngantuk mi kan ngei lai caah Coronavirus kong an chim thluamah hoi, The Far Left Fake News Media” tiin ceilak in a phomh hna. Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor