President Trump nih WHO he pehtlainak a dawnternak ruang bik a chim. A hman tak tak. WHO caah cun mit au ngam si ti lo

President Trump a chim mi hi a dik bak, a hopoah si seh an tuah ding hrim si cang ko hi, mah bantuk in WHO nih a tuah peng caah. President Trump nih vawleicung ngandamnak lei ah rian ttuantu WHO he pehtlainak a ngei mi vialte cu a dawngter cang caah ram tampi nih President Trump cu an soisel. Natein President Trump nih thil sining fiangtein a chim cang.

WHO hi China tangah um mi a si tiin President Trump nih a rak chim tawn. WHO (World Health Organization) he pehtlainak vialte cu dawngter a si cang lai tiah ni 29th May 2020 ah a chim. An sin ah thatein ka chim mi, i thleng ding in ka ti mi cu an zulh duh lo ruangah a si

Coronavirus rai zawtnak ruangah mi tampi an thi cang, WHO rian ttuan ning cu President Trump nih a cohlan khoh ti lo, WHO rian ttuan ning hi kong ah President Trump lung a tling kho ti hrim lo. WHO cu China tangah um mi a si. China a dirkam peng mi a si.

China nih kum fatin US Dollar 40 millions cu WHO bawmhnak caah a pek tawn. Natein USA nih  kumfatin US dollar 450 a pek tawn. China nih 40 Millions lawng a pek i, a kut tangah a chia khawh. WHO sin ah ni 30 chungah i thleng ding in ka ti, thil sining fiangtein ka chim. Direct bak in ka chawn hna. Natein zeihman an tuah duh lo caah WHO he pehtlainak kan ngei mi vialte cu ka dawngter cang tiin President Trump nih a chim

America President Donald Trumps nih mah bantuk in biakhianak a tuah hnuah tu tiang WHO nih zeihman a chim lo. UN Secretary General Antonio Guterres spokesperson bia an hal mi, a leh ning ah cun “ram dang sin ah, WHO cu fakpi in dirkam i, bawmh lengmang ding in bawmhnak kan halmi kongah tu tiang zeihman a thleng mi um lo, kha bantuk khan kan kal peng ko“ tiin a chim. Source – Centralonlinenews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor