President Trump (USA) nih a voih 2 nak caah China cu aphomh tthan hoi cang. China caah cun mangchia bantuk si hoi cang

President Trump nih China cu zoh sawh sawh a tim ti lo, a tuah khawhmi vialte cu China cungah tuah a tim cang. China nih a duh lo bik le atih tuk mi cu Taiwan nih hriamnam tha an ngei sual lai ti a si. (Aruang cu Tawian hi Independent ram a si i, natein China nih atangah chia a tim mi a si). Mah cu Trump nih fiangtein a thei caah China caah tih nungtuk mi dollar 180 Million man hriamnam a zuarnak kong mah Chinpage ahfiangtein ka ttial cang. Atu cu a voihnih nak ding caah China caah mangchia ngai mi a tuah tthan hoi cang

21 May ah US Senate nih cun China caah mangchia a si mi phunglam an passed. House ah bill a chuahpi tu hna cu Republican Senator John Kennedy le Democrat Senator, Chris Van Hollen hna an si. Mah bill passed cia mi hi House of Representatives ah pass a si hnuah President nih min thutnak (sign) a tuah hnuah hmang khawh a si lai. China zong nih phuhlamnak ding caah zeimawh a tuah lai ti kha zum a si ve. US company, Apple, Qualcom, etc hna cu dantat a tim i a rak chim cang

Tu senate ah mah phunglam an passed mi cu, USA ah foreign (ramdang) comapny a um mi vialte hna cu an ram cozah ta a si lo ning le cozah tangah a um lo ning fiangternak an tuah hrim lai. Mah bantuk in an tuah lo ah cun US Stock Exchange a i zuar siang a si ti lai lo ti a si. Bills (Senate ah an cohlan mi) ah cun foreign company hna cu US Standard for Audit & Other Financial Regulations phunglam a zulh hrim lai ti a si

China ramah Company tha tha le nganpi hna hi cozah ta a si lo a cun cozah tangah (control) um mi lawngte a si. Mah pawl nih cun fakpi in harnak le buainak an tawn cang lai. USA stock exchange ah an nih zuar khawh ti lo ah cun company nih fakpi in buainak le harnak a tawn cang lai tinak a si. Mah bantuk in China ah company ngan le tha pawl nih harnak le buainak an tawn ah cun China economy cu fakpi in a hrawh lai tinak a si- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor