President Trump zaangfah a si tuk cang ee; Acting Navy Secretary Thomas Modly a rian in phuah a si hoi cang. Zeizong hi China (Coronavirus) ruangah si ko cang hi

Coronavirus ruangah USS Theodore Roosevlt, Aircraft Carrier  Captain Brett Crozier cu a rian in phuah a si nak kong ka ttial cang.  Navy Secretary Thomas Modly cu mel 8000 hla Guam lei ah a va zuang i, Captain Brett Crozier cu a rian in i phuah ding in a va chim. Natein USS Theodore Roosevelt Crew members 5000 leng nih USS Theodore Roosevlt, Aircraft Carrier  Captain Brett Crozier cu mi raltha, pasal “HERO” bantuk in an thla. Captain Crozier hi COVID-19 zawtnak in damlo in a um ve.

Mah kongah bia le hla a tam tuk caah Acting Navy Secretary Thomas Modly, USS Theodore Roosevlt, Aircraft Carrier  Captain Brett Crozier a rian in a phuahtu pa cu a rian in phuah a si ve. President Trump an Monday press briefing a ngeinak ah a chim ning ah cun Acting Navy Secretary Thomas Modly nih, Captain Crozier a rian in phuah a sinak ruang cu US mainland ah Coronavirus an buaipi tuk cang caah mah bantuk in a ra ding mi caan ah a si sual ah cun USA cozah a buaituk lai caah i ralrinnak caah Captain Crozier hi a rian in a phuah tiin a chim.

The Pentagon lei in Acting Navy Secretary rian ttuan ding in Acting Undersecretary of the Army, James McPherson an duh. Mah bantuk thawngpang a daih hnuah Navy Secretary cu thim a si lai. Speaker Nancy Pelosi zong nih Modly hi a rian in phuah ding in a ti cang. Atu US Navy Aircraft carrier service khawh lo in mah bantuk a umnak ruang cu Coronavirus ruang a si i, Captain Crozier nih 5000 crew members lakah coronavirus a chonh mi an um cang caah, ralkap tampi an thi sual lai ti kha a phan caah The Pentagon sin ah bawmhnak a va hal mi kha a si. Zeizong vialte hi Co-19 ruangah a si ko cang

 

 

Be the first to comment on "President Trump zaangfah a si tuk cang ee; Acting Navy Secretary Thomas Modly a rian in phuah a si hoi cang. Zeizong hi China (Coronavirus) ruangah si ko cang hi"

Leave a comment

Your email address will not be published.


*