Vladimir Putin nih a chim ning ahcun Russia nih Sweden le Finland sin ah zeihman buainak kan ngei lo, Natein NATO Alliance he pehtlaihnak an ngei i,’expansion of military infrastructure’/hriannam le ralkap lei ah West pawl nih an ram kauter an nih tim ahcun ceilak in Sweden le Finland cu thuat an si lai tiin Russian-led Collective Security Treaty Organisation (CSTO),
Moscow ah Belarus, Armenia, Kazakhstan, Kyrgyzstan & Tajikistan he meeting an tuahnak ah a chim.
” United States nih an ram kauter nak ding caah NATO hi an hmang tawn hna, global security ruat
lo in NATO hi an duh ning tein an hmang. Finland Sweden te zong nih NATO Alliance he pehtlaihnak an ngei ahcun ralkap le hriamnam chianak caah an hmang lai ti a fiang ko, Mah nih cun kan ram caah thil thalo a chuahpi lai. Zeibaantuk phuhlamnak kan pek hna lai i, zeitin dah an cungah kan tuah ve lai, mah bantuk in an tuah mi hi a herh lo tuk mi a si i, buainak a chuahpi tu lawng an si tiin a chim chap.
Britain & European Union nih heh tiah an buaihnawh mi kan tilawng pawl umnak hmun,
Russian-flagged vessels hna Ukraine invasion, the Kremlin nih “special military operation”
an tuah ruangah United Kingdom nih cun 2022 kum dawngnak ah Russia oil lak ti lo ding in biakhianak an tuah. Reuters reports nih a langter ning ahcun, European Union & United States nih Russia Ukraine invasion ruangah vawleicung ah ei ding mi pawl ah harsatnak a um lo nak ding caah rian tuan ti an nih tim.
Cun, Russia disinformation cu doh chin lengmang i, Ukraine nih grain an serchuah kho ti lo caah le,
India nih wheat ramdang ah zuar a siang ti lo caah global food production ah fakpi harnak
a um lo nak ding caah rian tuan ti an nih tim. Ukrainian foreign minister Dmytro Kuleba nih Russia he daihnak an ser kho a zum lo, European Union pawl nih Ukraine membership June hla an an cohlan lo ahcun EU pawl mawhphurnak a si lai tiah an chim. Cre-RTK
Kawlram thawngpang….“Yesagyo peng chung ah SAC ralkap nih khuate 4 cu May 16 ah mei in
an khangh caah Yesagyo PDF nih kan phalh piak hna,” tiah Bo Hmaing Tey Za nih a chim.
Moengio le Moekuai khua ah zan khat a riak mi SAC ralkap pawl nih, May 16 zinglei ah mei in an khangh, tiah theih a si. “Kanmah le kan phung lam ning tein khua pakhat khat ah an rak luh ahcun a pawngkam in kan venpiak hna. SAC ralkap nih khua mi inn an khangh dih in kan va phalhpiak hna,” tiah Hmaing Tey Za nih a chim. SAC ralkap nih an khangh mi khua hna cu- Moekuai, KanOo, Taungkung le Mekung khua hna an si.
SAC ralkap thazaang 90 hrawng nih an khangh piak hna, tiah theih a si. PDF pawl zeitin hmanh an kan
tuah khawh lo caah hiti khua mi inn an khangh piak hna hi a si, tiah Hmaing Tey Za nih cun a chim chap.
#SAC Ralkap Motor Bomb Puah A Ton Caah Ralkap 2 An Thi. Magwe ramṭhen, Myaing peng ah SAC ralkap thil chantu motor pakhat cu May 15 ah bomb puahhnawh a tong, tiah theih a si. “SAC ralkap le Pyusawthi 11 hrawng aa cit mi thil chantu motor cu, Pakukko peng Kama khua in Myaing peng Hninsikan khua ah a kal ding a si tiah kan hngalh caah Myaing-PDF nih kan kah hna,” tiah Bo Letya nih a chim. “Chun suimilam 12:10 hrawng ah bomb in kan puahhnawh hna.
Motor chung ah SAC ralkap 11 hrawng an i cit i, 2 an thi,” an tiah a chimchap.
Cu kahdohnak ah Myaing peng Pyusawthi hruaitu Win Ngwe telh in 2 an thi. Kahdohnak a dih in SAC ralkap le Pyusawthi i bawm in Hninsikan khua cu mei in an khangh, tiah tualchung mi sin in theih a si. A luancia May 12 lio zong ah Myaing peng Kaitawma khua lei in rallam a sial mi SAC ralkap motor 7 cu, Myaing-PDF le ṭangrual phu hna nih bomb in an rak puahhnawh hna caah SAC ralkap 30 hrawng an rak thi. Cre-TCP