Kyrylo Budanov, head Chief Intelligence Directorate of Ukraine’s Ministry of Defence nih a chim ning ahcun, Russia President Vladimir Putin cu thah ding in timtuahnak rak ngei a si. Local media sin ah Ukraine’s intelligence chief nih a chimmi cu, mah bantuk in Putin thah ding in timtuahnak an rak ngeimi hi a luancia thlahnih ah khan a rak si cang, Russia Ukraine invasion hnu bak ah Putin hi thah ding in timtuahnak ngei a rak si tiin a chim, Ukraine newspaper Ukrainska Pravda nih
a langter ning ahcun, Putin a duhlo mi pawl, Caucasus, – Armenia, Azerbaijan, Georgia & southern Russia
lei mi pawl hna nih Russia President Putin thah an nih tim. “Russia Federation hi thah ding in heh tiah
timtuahnak a rak um i, Russia zong nih a rak buaipi ngai ve, non-public information a si i, an tlamtling lo tiah a chim”. February, March – April tiang Russia President Putin nih Nuclear Football cu akalnak kip ah a keng peng, ultranationalist Vladimir Zhirinovsky ruak vuinak zong ah Presidnet Putin cu amah assassination tim mi pawl lakah heh tiah a ralrin ngai. March khan Colonel Richard Kemp former British Army chief nih, Putin hi tih nung tuk mi minung a si, Cucaah, Osama Bin Laden, Islamic State chief Abu
Bakr Al Baghdadi & Iranian Republican Guard Commander Qasem Soleima bantuk in Putin hi that a si ahcun mi dang nunnak tampi khamh a si lai tiah a chim. Cred-RTK
Kawlram thawngpang.. Chin ram chung ah SAC ralkap nih nawlngeihnak an lak hnu kahdohnak
a chuah ruangah le vawlei phummi bomb ruangah May 24 tiang nunnak liammi le hliam tuar mi minung 44 tiang an phan tiah Institude of Chin Affairs (ICA) nih an khomhsuatmi cazin an langhter. Khuachung mipi minung 8 an nunnak a liam i, hliamhma tuarmi 17 tiang an phan. A dang nunnak liammi hna le hliamhma tuarmi 19 cu Chin ralkap an si tiin an langhter. Bomb hliamhnak in nunnak liammi le
hliamtuar mi hna lak ah kum tlinglo ngakchia zong an i tel tiah theih a si. Kan hnu kum
November 29, Mindat pengchung ah ummi U Yaung Ngai cu kum 4 tluk simi a fapa he
tlanglei an kainak lam ah bomb i lamh sualnak in an nunnak a liam tiah tantakmi a nupi nih a chim. SAC ralkap le Chin ralkap kar kahdohnak ah kaphnih in bomb hmannak a um na in, Chin ralkap hna nih cun mipi umkalnak hmunhma le lam ah bomb hmanh tibantuk cu a umlo tiah Mindat CDF in chim phuannak nawl ngeitu pakhat nih a chim. SAC ralkap lei chim phuannak nawl ngeitu Zaw Min Tun nih cun kanmah nih
bomb kan hmanh mi cu umhmun khuarnak sakhan humhimnak ding caah kan hmanh mi a si tiin bia
lehnak a tuah. Bomb hmanhnak kan tuahmi cu cunglei nawlpeknak a um hnu lawngah kan tuah tiah a chim.
CHRO in Deputy Executive Director Salai Za Uk Ling nih cun bomb hmanh mi hi ramkip raktuknak u-pa-di phung a buar tiah a chim. SAC ralkap nih nawl ngeihnak an lak hnu kahdohnak a chuah ruangah Chin ram chung khua 300 leng in mipi sing khat leng cu mah umnak hmun kaltak in ralzaam dirhmun an phan. UNOCHA nih May 18 ni cathanh chuahmi ah 2022 kum hramthawk zarhthum chungah rampi huap in
bomb/mine puahnak voi 54 a cang i nunnak liammi 20 le hliamhma tuarmi 80 tiang an phan tiah an thanh.
==China nih Myanmar ram ah tlanglawng in seh thilri container lung 60 ka kuat lai tiah Chinese Embassy in
Myanmar nih May 24 ah a thanh.Cu container lung 60 chung ah cun seh thilri, electronic thilri, motor le cycle thilri hna an si lai tiah Chinese Embassy nih cun an thanh. Cu thil kuatnak cu China-Myanmar lamthar simi Chungchint – Linchain – Myanmar International tlanglawng lam a si i, May 23 ah Chungchint, Gawyuam, Yuicuai tlanglawng hmun in aa thawh tiah Chinese Embassy nih an thanhmi ah an langhter.
Cu container cu tlanglawng lam le motor lam in ni 15 chungah Mandalay ah kuat a si lai tiin an chim.
Myanmar ram buainak umlio ah China nih container lung 60 kuat a timhmi hi thil sawhsawh cu a si lailo tiah China ramchung rian ngeitu pakhat nih a chim. Cu tlanglawng cu dohthlengtu phu hna nih tha tein ngiatthlainak tuah a herh tiah a chim chih. Cu container cu China-Myanmar ramri tiang tlanglawng nih a phorh lai i Myanmar ram chung ah cun motor nih a thiar khawh men tiah a chimchap. Cre-TCP