Telegram channel General SVR sin in thawngpang an theimi, Russia insider pawl nih an chim ning ahcun, Russia President Putin cu cancer operation tuah a si lai i, a rau hlan ah siizung ah lutpi cawlh a si lai tiah an langter. Russia President Putin nih a aiawh in a thim mi hardline Security Council secretary & ex-FSB head Nikolai Patrushev kut ah nawlngeinak a pe lai.
Shadowy Patrushev, 70 hi war strategy a ngei tha ngai mi a si. Mah insider pawl nih hin
Russian President Vladimir Putin nih oncology a tuah cang ,Parkinson’s disease & schizoaffective disorder zong angei chap an ti.
Putin nih surgery tuah ding mi a va si zongah Ukraine operation lio ah cun a si lai lo tiah a zum mi tampi an um than, Midang nih cun, Nawlngeinak/power pek ding mi a si ahcun [Nikolai] Patrushev nak in, prime minister, Mikhail Mishustin kut ah nawlngeinak a pek lai tiah zum a si. Ukrainian defence ministry spokesperson Oleksandr nih a langter ning ahcun, Russia ralkap hna cu eastern operating zone loei ah tampi
thazang an chuah chin lio a si tiah a langter, Ukraine ram tampi lak an nih tim tiah zum a si. Cre-RTK
Thawngpang dang…Yuangan Kahdohnak Ah SAC Ralkap 10 An Thi, PDF 5 An Nunnak Liam.
Shan ramkulh chaklei Yuangan peng kahdohnak ah SAC ralkap ralbawi pakhat telh in 10 nak
tlawmlo an thi i, Yuangan -YDF 5 an nunnak a liam , pakhat hliam a tuar tiah Yuangan PDF (YPDF) nih nihin April 30, ah an thanh. April 15, Panlawng lei rallam sial in a kalmi SAC ralkap hna cu an kirlei ah Yuangan PDF ( YPDF) hna he Luh(လု) khua le TawngOo khua kar ah kahdohnak a chuak. Hriamnam thazaang aa tluklo tuk caah tualchung hriamtlai phu hna cu hnu an tolh than na in,
SAC ralkap nih hriamngan he an kah tuk caah YPDF in minung 5 an nunnak a liam i pakhat
hriamngan hliam a tuar tiah an thanh. SAC ralkap nih Yuangan pengchung ummi hna cu
PDF he pehtlaihnak nan tuah i nan bawmhchanh hna tiah an puh hna caah khuami cu tlaihkhih in an thah hna. Kan hnute ah khan Yuangan pah-kah-phah phu YUG le Tawnggyi tualchung hriamtlai phu TPDF phufonh i sakhan pakhat cu SAC ralkap nih an luhhnawh hna caah PDF pakhat a nunnak a rak liam.Ref.The Chin Post
=Laimi hi aa ṭhen cangmi Khrihfabu hna Fellowship in va fonh ṭhan thulh le hmun dang kaa
dang i a ummi Khrihfabu hna Fellowship in va komh thulh phun khi kan thiam ngaite.
Nain, Fellowship hau lo bakin i ṭhen lo te i hmunkhat te um ṭi khi kan thiam lo ngai ve. Mah hihi phundang in kan chim ahcun, Laimi cu mi tampi he um ṭi kan duh lo i, mi tlawmte he lawng um kan duh kan ti khawh. Fiang deuhin kan chim ahcun, Laimi cu hruaitu upa si kan duh dih kan ti khawh fawn. Faak ngai in kan chim rih ahcun, Laimi cu peu kan hmang kan ti khawh rih. Kawl phungthluk
ah ‘’caw an i ṭhen tikah pawpi nih a seh hna’’ timi a um i, Laimi hi pawpi seh nuam cii kan si ko rua.
A ngaingai tiah, Fellowship in fonh a duh ngaimi hna le komh a uar ngaimi hna khi hmunkhat te um ṭi a
rak celh bak lomi hna an si tawn ko. Tahchunhnak ah, Dothlennak tuah lio i Laitlang a khua kip le a pengtlang kipin CDF an um khi a ṭha tuk hringhran. Khi nakin a ṭha deuh tuk rih hnga dingmi cu, an zapi lawlaw khin CNA ah lut dih lawlaw hna sehlaw leet tampi in a ṭha deuh tuk ko hnga. Mipi Lei In CNF Le CNA Kar Thennak Ding Bia Chim Hna Hlah Usih, Zeicadah tiah, CNA cu kum 30 renglo a upa cangmi Lai ralkap ken ngeihchun a si caah a si. Atu hi Min Aung Hlaing a haa thi a thah tuknak ah a cil hna dolh len sehlaw theih lo hmanh a si. Crd: Perhkalh