Ukraine nih daihnak le remnak ser an duh tuk cang, Natein Russia President Putin cu a sual chin lengmang ti bantuk in a um cang. Russia le Ukraine cu voihthum leng daihnak sernak ding caah meeting an tuah cang. Zahan nai ah Istanbul, Turkey ah meeting an tuah mi cu a tlamtling ngai, daihnak a chuak cang lai tiah ruat lio ah Russia President Putin nih
Italian Prime Minister Mario Drag cu telephone in a chawn i, Ukraine he daihanak/Ceasfire phuan
ding mi cu a tuan tuk ri tiin a chim. Atu hi Europe & Russia nih gas contracts an ngei mi cu thatein a kal
peng ko- European firms pawl nih euros & dollars hmangin Russia sin ah Oil le Gas an cawk man an pek peng, Natein European pawl caah thawngpang thei nuam lo tuk mi cu Russia President Putin nih a vun phuan, Russian le European pawl cu Russia gas contract an tuah mi caan a dih rih lo, Natein Putin nih April ni 1 thawkin European pawl nih Russia Gas nan cawk duh ahcun
Euro tangka le US dollar tangka in si ti lo in Russia tangka (Rubles) bak in nan cawk cang lai,
Russia tangka in nan cawk duh lo ahcun European ram ah Gas supply kan tuah ti lai lo ti bak in a chim.
Europe hruaitu pawl an lung a fak ning an celh lo i an caah mangchia a si lo. Russia Gas an cawk lo ahcun Europe ram chungah rian a tlawm tuk lai i, company tampi cu rian tuan kho lo in an um lai ding mi an ruat tikah an caah Putin nih thawngthannak a tuah mi cu mangchia bak si ko cang. Cre-RTK
Kawlram thawngpang….Chin ramkulh, Mindat In Matupi lei ah a kalmi SAC ralkap mawtaw run don ah
Matupi in Mindat lei ah a kalmi SAC ralkap hna cu Nihin March 31 zing ah CDF- Matupi nih voihnih an
kah hna i SAC ralkap 14 an thih pin ah hliamtuar an tam tiah theih asi. ” Ralkap thazang 80 veve hrawng in rallam ka hnih in an sial caah CDF- Matupi nih kan kah hna, Kan kamhmi bomb an i lamh ruang ah 11 hrawng an thi, hliamtuar an tam, Zing slm 7:40 hrawng ah hnu an kir tthan, 9:10 ah thazang an i chap i an van kan nawr tthan i kan i kap i SAC ralkap 3 an thi tthan. 9:50 hrawng ah Chianpian khuathar lei ah
an kir ttham, Khuapi chung i Mizapi mawtaw lungphurhnak mawtaw pawl an hman i
thazang an i chap ” tiah CDF- Matupi in ttuanvo ngeitu pakhat nih a chim. Matupi in Mindat lei a kalmi
SAC ralkap hi 150 hrawng an si i Chianpian khuathar ah an um ko rih tiah theih asi, Nizaan zong ah CDF- Matupi nih annkah cang hna i 2 an thah cang hna. SAC ralkap mawtaw 84 hna cu Magwe ramtthen Kyauhthuh in Mindat ah an lut i Mindat in Matupi ah thilri le riahcaw chan ding in March 24 in an i thawh, March 29 ah CDF- Mindat nih lampi ah an kah hna i
SAC ralkap 29 an thi tiah CDF- Mindat biachimnak nawl ngeitu nih a chim.
=Daw Aung San Suu Kyi Bodyguard Cherry Htet cu Naypyidaw thonginn chung biaceihzung nih
nihin March 31 ah phungrelnak-505(a) in kum 2 thong thlak ding in bia a khiahpiak caah 2021 December 30 i Palek zulhphung in thong kum 3 thlak ding bia an khiahpiak mi he fonh in kum 5 thong a tla lai. SAC nih sual an phawtnak phungrelnak-505(a) kong ah kan hnu Febuary 17 ah khan amah Cherry Htet nih sualnak ka ngei hrimhrim lo tiah biaceihzung ah a rak chim.
Cherry Htet cu NLD MP Daw Thiri Yadana he an i pehtlai, Social media ah ‘a dik lomi thil na doh ngam lo
ahcun na kaa phit’ tiah a tar pinah ‘We Love Daw Aung San Suh Kyi’ ti mi page i ‘Ka nu kan ngai
tuk’ ti mi caṭial cu a share ruangah dantat a si, tiah SAC nih an thanh. Cherry Htet cu 2015 kum thimnak ah NLD nih teinak an hmuh in Ministry of Home Affairs nih State Counselor Daw Aung San Suu Kyi Bodyguard rian an khinh i Daw Suu ramchung ramleng a tlawnnak kip ah a zultu a si.
=Ko Ze Lin U Cu Kum 21 Thong Tla Ding In SAC Biaceihzung Nih Bia An Khiahpiak: SAC ralkap nih
ramkhellei cawlcang mi an rak tlaih mipa Ko Ze Lin U, Dawei thonginn ah hren chung mi cu March 30
ah SAC nih taza an cuainak case phun 6 ca ah Kum 21 chung thong tla ding in biaceihzung nih bia an khiahpiak cang, tiah theih a si. Ko Ze Lin U hi SAC nih phungrelnak 302, 326, 505(a), 505(c), 19(f), 19(e) in case an serpiak i taza an cuai. March 30 ah phungrelnak 302 in kum 10 thong thlak, phungrenak 326 in kum 15 thong thlak le phungrelnak 505(a), 505(c),19(f),19(e) in kum 6 thong thlak ding in nikum 2021
Novumber 3 ah bia an rak khiahpiak cang nain a dihlak caah kum 21 thong tla ding in bia khiahpiak ṭhan hi a si.
Cun, Ko Ze Lin U a nupi Ma Hin Su Hlaing zong nikum 2021 April thla ah SAC nih an rak tlaih i rianhrang ṭuan buin kum 4 thong tla ding in bia an khiahpiak ve. Ma Su Mon zong SAC ralkap nih 2021 June 7 ah an tlaih i, phungrelnak 505(a) in taza an cuai i kum 3 thong tla ding in biakhiahnak an tuahpiak. Ma Su Mon hi Dagon University ah a kai lio mi a si, tiah theih a si. Cre-TCP