Fox news report nih a langter ning ahcun, Russia President Putin cu a ngandamnak kong ah thil thup a duh ruangah, Moscow le hmun dang dang ah a kal tikah amah body guard hna cu a zun le ek cu thiangtein, midang nih an hmuh i, dothlatnak an tuah khawhlonak ding caah a thiangter lengmang hna tiah a tial. Mah thawngpang mak tukmi hi French news magazine Paris Matchnih a report hmasa bik i, veteran investigative journalists nih an chim.
Rebekah Koffler, president of Doctrine & Strategy Consulting & former DIA intelligence officer,
Fox News nih a tial than ning ahcun ” Putin nih a ngandamnak kong he pehtlaih in
foreign intelligence service pawl kut ah a ek le zun cu an lak sual lai ti a duh lo, Russia ram rorelnak khuakhannak ah thatein a cozah a kal khawhnak ding caah langter a duh”. Mah French publication nih Russia’s Federal Guard Service carries ah suitcases dang put i, Putin cu khawihmun kip ah a kal zong ah a ek le zun cu Moscow a kuat tawn hna tiin report nih a tial. Cred=RTK
Kawlram thawngpang…Myanmar Rampi Huap In SAC Ralkap Kahdoh An Tonnak Ah SAC Ralkap
Tamlak An Thi: Myanmar rampi huap in SAC ralkap kah an tonnak ah minung 31 an thi i,
hliamhma tuar zong an tam, tiah tualchung hriamtlai phu nih an thanh. Mandalay ramṭhen Myinchain pengkomh NgaZun peng SAC ralkap gate cu nihin June 14 zinglei suimilam 7:35 ah Zero pah-kah-phah phu nih bomb puahhnawh in an doh hna. Cu kahdohnak ah cun SAC rakap pakhat a thi i, 2 faak ngai in hliam an tuar tiah theih a si.
Cu kahdohnak ah cun SAC lei nih an duhnak hmun poh hawih in hriam an thlah caah
tualchung mi pakhat a ban ah kuan nih a hliamh tiah tualchung mi pakhat nih
Yangon Khit Thit Media ah a chim. Pako ramṭhen ṬaungNgo pengkomh, Hṭanṭapin peng ah nihin June 12, zinglei suimilam 11:30 ah kahdohnak a chuak i SAC ralkap lei 2 an thi. Cu kahdohnak ah cun tualchung hriamtlai phu PDF- Ba Yin Nawng battalion, ṬaungNgo pengkomh 3501 ṭaṭ-khuai 2, 3502 battalion le KNLA battalion 6 phufonh an ṭangrual hna tiah PDF nih an thanh.
Sagaing ramṭhen Yinmapin pengkomh Pale nichuah thlanglei ah ralvennak a tuahtu
SAC ralkap 6 cu bomb puahhnawh in doh an ton caah minung 2 an thi i, 4 nih hliamhma
an tuar tiah DawngNat pah-kah-phu chungtel pakhat nih a chim. Cu kahdohnak ah cun tualchung hriamtlai phu lei hliamhma tuar um lo in hnu an tolh kho ṭhan tiah theih a si. Sagaing ramṭhen Hṭichait peng ah June 14, zinglei suimilam 10:00 ah PawngKung khua ah zaan riakmi SAC ralkap 40 cu AlayṬaw thlanhmun pawng ah Hṭichaiṭ pah-kah-phah phu nih bomb puahhnawh in an doh hna caah
SAC ralkap 3 an thi i, hliamhma an tuar zong an um tiah TR Team nih an thanh.
June 13, chunhnu suimilam 1:00 ah Magwe ramṭhen Myine peng Kani khua in minung 35 he
rallam sialtu SAC ralkap hna le MVRF kar kahdohnak a chuak i cu kahdohnak ah cun SAC ralkap 4 an thi. Sagaing ramṭhen Chaung U peng ah June 13 chunhnu ah KanGyaKung khua in rallam sialtu pyusawhṭi le CHU LDF, CRA phufonh hna cu minutes 40 hrawng an i kap i cu kahdohnak ah cun pyusawhṭhi 6 an thi, tiah Chaung U PDF phufonh nih an thanh.
Shan ram Theinni pengkomh chung ah June 12 chunhnu suimilam 1:30 in SAC ralkap le MNDAA kar
kahdohnak a chuak i cu kahdohnak ah cun SAC ralkap 4 an thi, tiah theih a si. Kaphnih kahdohnak cu suimilam pahnih tluk an rau, tiah MNDAA nih an thanh. Sagaing ramṭhen Indaw peng ah nihin June 14, zinglei suimilam 9:30 hrawng ah Indaw peng AlaySait khua ah hmunthum in rallam a sialtu SAC ralkap 90 hrawng cu Indaw PDF nih an kah hna caah SAC ralkap 9 an thi i, hliamhma tuar an tam tiah Indaw Revolution – IR nih an thanh. Cre-TCP