Putin tih nung chin lengmang ko, Western Media pawl an thawngtuk caah Russia lei zeibantuk an dirhmun ti fiangtein thei kho a si lo. Ukrainian Deputy PM Iryna Vereshchuk nih a chim ning ahcun, ‘Russian President Vladimir Putin nih Mariupol heh tiah a tuknak ruang cu kum 2014 lio ah Russia nih
Crimea a lak lio ah Mariupol hi a lak khawh lo mi a si. Atu hi cu mah khualipi Mariupol hi lak
ding in heh tiah timtuahnak angei. Kum 2014 lio ah a rak tuah sual mi bantuk in atu cu tuahsual
a tim ti lo caah Mariupol hi heh tiah a tuk i, lak a tim mi a si tiin French newspaper Libération sin a chim. Ukrainian President Zelensky’s adviser, Alexander Rodnyansky nih BBC’s Newshour sin ah a chim ning ahcun, ‘Russia daihnak tak tak an duh lo, battlefield ah thil a cang mi ah zeimawh thil tete tuah an duh ruangah a si,
mah bantuk in heh tiah bomb hmangin Ukraine a tuk peng buin cun zeibantuk daihnak le
remnak ser khawh a si lai lo tiin a chim. Russia’s Business Daily Kommersant nih a langter ning ahcun, Moscow ah ei ding mi a tlawm ching lengmang i, chungkhar pakhat nih voihkhat ah tampi thil cawk an siang hna lo. Khabarovsk ah panic bying ruangah supermaker shelves tangah thil an chia mi a tlauh mi a um cang tiin an tial. Cre-RTK
Kawlram thawngpang…Kayin ramkulh, Myawady peng Wawlay hmunhma SAC ralkap sakhan
pakhat- Mawkhi sakhan cu nihin March 21 zanlei ah KNLA nih an kah i, sakhan cu an lak khawh,
tiah KNU thawngzamhnak nih a chim.“SAC ralkap sakhan hmasa pakhat a si i, kahdohnak chung ah SAC ralkap lei in minung 2 an thi. Cun, hriamngan 60mm pakhat zong kan laak khawh,” tiah KNU thawngzamhnak nih cun a thanh. Myanmar-Thai ramri ah ummi Mawkhi sakhan kahdohnak ah hin SAC ralkap chungtel cheukhat cu an nun buin tlaih an si, tiah Kayin thawngzamhnak nih cun a langhter. Cuka hmun cu KNU brigade 6 hmunhma a si.
KNU brigade 6 hmunhma Kawkareit ah SAC ralkap phu hna nih minung thazaang tampi he rallam an
sial caah nitin ngawt in kahdohnak faak a chuak. Kawkareit kahdohnak ah kaphnih in a thi mi an um,
tiah Kawkareik khua mi pakhat nih a chim. Laykaegaw Myotit telh in brigade 6 hmunhma ah umhmun a khuar mi SAC ralkap hna cu hnu tolh ding in le SAC kuttang rianṭuantu dihlak nih an rian ngoltak ding in KNU nih ralrinnak an pek hna, tiah theih a si. = Japan Prime Minister Cambodia ram ah nihnih caam ding i a tlawnnak ah Myanmar le Ukraine buainak kong biaruahnak an ngei.
Prime Minister pahnih hna biaruahnak cheukhat cu March 20 ah langhter a si i, Myanmar ramkhel 
kong he pehtlai in, Myanmar ramchung ah tharum thawhnak(violence) donghter ding in nawlnak an tuah. Cun, hriamthil kong he pehtlai in bawmhchanhnak a petu hna nih ngol ding le, ram daihnak a um khawh nakhnga ṭuanvongeitu hna dihlak nih lungsau tein tawlrel ding in le ramkhel kong ah tlaihkhih a tong mi dihlak hna cu thlah in
democracy lamthluan a zawh khawh nakhnga Myanmar SAC cozah sin ah nawlnak an tuah.
Yangon khuasa ramkhel lei bochan mi pakhat nih cun, “Prime Minister 2 nih nawlnak an tuah mi cu a ṭhatuk mi a si nain, a tak in tuah ding mi nawlnak a si lo caah zeihmanh san a tlai lo,” tiah a chim. Prime Minister 2 hna nih hin cun ASEAN tonbiaruahnak ah biachanhnak thil phun 5 an rak ceih cang mi cu tlamtling te i zulh a si khawh nakhnga nawlnak an tuah fawn, tiah theih a si. Cre-TCP